ઉદયપુર / સત્તામાં આવતા EVM પર પ્રતિબંધ મૂકી શકે કોંગ્રેસ, ચિંતન શિબિરમાં લેવાયા આ મોટા ફેંસલા

• ઉદયપુર ચિંતન શિબિરમાં કોંગ્રેસનો સંકલ્પ
• સત્તા પર આવીશું તો ઈવીએમ હટાવીશું
• બેલેટ પેપરથી કરાવીશું ચૂંટણી 

રાજસ્થાનના ઉદયપુરમાં ચાલી રહેલી ચિંતન શિબિરમાં કોંગ્રેસે ઘણા મહત્વના ઠરાવો કર્યા છે. શિબિરના છેલ્લે દિવસે રાહુલ ગાંધી અને સોનિયા ગાંધીએ ભાષણ આપ્યું હતું. અધ્યક્ષ તરીકે સોનિયા ગાંધી મોટી જાહેરાત કરી છે. કોંગ્રેસ ઘણા સમયથી ઈવીએમ પર સવાલ ઉઠાવી રહી છે. ઉદેપુરમાં ચાલી રહેલી ત્રણ દિવસની ચિંતન શિબિરમાં પણ ઇવીએમ સામે કોંગ્રેસની નારાજગી જોવા મળી છે. સૂત્રોના જણાવ્યા પ્રમાણે કોંગ્રેસે સત્તામાં આવ્યા બાદ ઈવીએમ પર પ્રતિબંધ મુકવાનો સંકલ્પ કર્યો છે. સરકાર બન્યા બાદ કોંગ્રેસ બેલેટ પેપર પર ચૂંટણી યોજશે.

Cong to enforce '1 person, 1 post', '1 family, 1 ticket' rules with riders; ticket for second family member only after 5 years of party work

— Press Trust of India (@PTI_News) May 15, 2022

'મતદાને ચૂંટણીનું વચન આપવું જ જોઇએ'
કોંગ્રેસના વરિષ્ઠ નેતા પૃથ્વીરાજ ચવ્હાણે પણ રવિવારે કહ્યું હતું કે તેમની પાર્ટીએ આગામી લોકસભાની ચૂંટણીના ઢંઢેરામાં ઇલેક્ટ્રોનિક વોટિંગ મશીન (ઇવીએમ) દૂર કરીને બેલેટ પેપર દ્વારા ચૂંટણી યોજવાનું વચન આપવું જોઈએ. આ મુદ્દાને પણ લોકો વચ્ચે લઈ જવો જોઈએ.

ઈવીએમ હટાવવામાં આવશે અને તે બેલેટ પેપર પર જશે
પક્ષની ચિંતન શિબિર માટે રચાયેલી રાજકીય બાબતોની સંકલન સમિતિના સભ્ય ચવ્હાણે કહ્યું હતું કે આ તેમનો અંગત અભિપ્રાય છે, પરંતુ ઘણા નેતાઓ પણ આ માટે સંમત થયા છે. મહારાષ્ટ્રના પૂર્વ મુખ્યમંત્રીએ પત્રકારોને જણાવ્યું હતું કે, "ઇવીએમ પર ઘણી ચર્ચા થઈ રહી છે. ઘણી ધમાલ ચાલી રહી છે. મારો અંગત અભિપ્રાય એ છે કે વડા પ્રધાન નરેન્દ્ર મોદી આગ્રહ કરીને તેને દૂર નહીં કરે. આપણે તેમને હરાવવાના છે. અમારે અમારા ચૂંટણી ઢંઢેરામાં લખવું પડશે કે જો અમે સત્તામાં આવીશું તો ઇવીએમ હટાવીને બેલેટ પેપર તરફ જઇશું."

Congress to provide 50 per cent representation to those below 50 years of age at all levels of organisation: Udaipur Declaration

— Press Trust of India (@PTI_News) May 15, 2022

કોંગ્રેસે લોકોની વચ્ચે જવું પડશે
તેમણે કહ્યું કે, કોંગ્રેસે આ મુદ્દે લોકોની વચ્ચે જવું પડશે. પાર્ટીના "સોફ્ટ હિન્દુત્વ" તરફના પગલા પર ચર્ચા થઈ છે કે કેમ તે અંગે પૂછવામાં આવતા તેમણે કહ્યું હતું કે, "અમે તમામ મુદ્દાઓ પર ચર્ચા કરી છે. પાર્ટી સાથે જોડાયેલા તમામ મુદ્દાઓ પર ચર્ચા કરવામાં આવી હતી. હવે જોવાનું એ છે કે અંતે કયા મુદ્દાઓને સ્વીકૃતિ મળે છે." ચિંતન શિબિર વિશે તેમણે કહ્યું, "ચર્ચા ચાલી રહી છે, તે ખૂબ મોટી વાત છે. અમારી માંગ હતી કે કોંગ્રેસના બંધારણનું પાલન થવું જોઈએ, તે સારી બાબત છે કે તેનું પાલન કરવામાં આવ્યું છે. "

Congress to set up 3 new departments -- public insight, election management and national training: Party's Udaipur Declaration

— Press Trust of India (@PTI_News) May 15, 2022

શું હશે કોંગ્રેસનું સંસદીય બોર્ડ 
કોંગ્રેસના પાર્લામેન્ટરી બોર્ડની રચના અંગે ચર્ચા અંગે પૂછવામાં આવતા તેમણે કહ્યું હતું કે, તેમને તેની જાણ નથી, કારણ કે તેની ચર્ચા થઈ હોત, તે સંગઠન અંગેની સમિતિમાં થઈ હોત.

No person should hold one party position for more than five years to give opportunity to new people: Congress' Udaipur Declaration

— Press Trust of India (@PTI_News) May 15, 2022

ચિંતન શિબિરમાં કોંગ્રેસના મહત્વના ઠરાવ
(1)   1 વ્યક્તિ, 1 પોસ્ટ, 1 ફેમિલી, 1 ટિકિટનો નિયમ
(2) તમામ સંગઠન સ્તરે 50 વર્ષથી ઓછી ઉંમરના લોકોને 50 ટકા પ્રતિનિધિત્વ 
(3) ત્રણ નવા વિભાગો શરુ કરાશે, પબ્લિક ઈનસાઈટ, ઈલેક્શન મેનેજમેન્ટ અને નેશનલ ટ્રેઈનિંગ 
(4) 2 ઓક્ટોબરે નેશનલ કન્યાકુમારીથી કાશ્મીર ભારત જોડો યાત્રા શરુ કરાશે
(5) કોંગ્રેસ સંગઠનમાં સુધારા માટે ટાસ્ક ફોર્સની રચના કરવામાં આવશે
(6) રાજકીય પડકારોનો સામનો કરવા માટે સિનિયર નેતાઓમાંથી એડવાઈઝરી ગ્રુપની રચના કરવામાં આવશે