એક્શન / BIG BREAKING: કોંગ્રેસ મહાસચિવ પ્રિયંકા ગાંધી સહિત 11ની ધરપકડ, જાણો કયા ગંભીર આરોપથી કેસ નોંધાયો

• લખીમપુર હિંસા મામલે યુપી પોલીસની મોટી કાર્યવાહી 
• અટકાયત નહીં પ્રિયંકા ગાંધીની ધરપકડ 
• ગેસ્ટ હાઉસ બની અસ્થાયી જેલ 

શાંતિ ભંગ કરવાના આરોપ સાથે FIR દાખલ
શાંતિ ભંગ કરવાના આરોપમાં ઉત્તર પ્રદેશમાં કોંગ્રેસનાં મહાસચિવ પ્રિયંકા ગાંધી, રાજ્યસભા સાંસદ દીપેન્દ્ર હૂડ્ડા અને યુપી કોંગ્રેસનાં અધ્યક્ષ અજય કુમાર સહિત 11 લોકોની ધરપકડ કરવામાં આવી છે. સીતાપુર પોલીસ સ્ટેશનમાં બધા સામે FIR પણ દાખલ કરી દેવામાં આવી છે જેની જાણકારી SHOએ મીડિયાને આપી છે. 

FIR registered against 11 people including Priyanka Gandhi Vadra, Deependra Hooda and Ajay Kumar Lallu for disturbing peace: SHO Hargaon Police Station, Sitapur district https://t.co/la2JDwfGg3

— ANI UP (@ANINewsUP) October 5, 2021

સીતાપુર ગેસ્ટ હાઉસને અસ્થાયી જેલ બનાવી દેવાઈ
સીતાપુર ગેસ્ટ હાઉસની બહાર જ્યાં કોંગ્રેસ કાર્યકર્તાઓ ભારે વિરોધ કરી રહ્યા છે ત્યાં જ ગેસ્ટ હાઉસમાં જ ગાંધીની ધરપકડ કરી લેવામાં આવી છે. પહેલા સમાચાર હતા કે પ્રિયંકા ગાંધીને હાઉસ અરેસ્ટ કરવામાં આવ્યા છે પરંતુ હવે સામે આવ્યું છે ગેસ્ટ હાઉસને જ અસ્થાયી જેલ બનાવી દેવામાં આવી છે અને તેમને કોર્ટમાં પણ રજૂ કરવામાં આવશે. 

નોંધનીય છે કે લખીમપુર ખીરીમાં ખેડૂત પ્રદર્શનમાં થયેલ હિંસામાં ચાર ખેડૂત સહિત આઠ લોકોની મોત બાદ પ્રિયંકા ગાંધી સહિતનાં કોંગ્રેસ નેતાઓ ત્યાં જવા માટે નીકળી પડ્યા હતા જે બાદ બધાને રોકવામાં આવ્યા હતા. પ્રિયંકા ગાંધી જ નહીં, અખિલેશ યાદવ અને બસપા નેતાઓ સહિત દરેક પાર્ટીના નેતાઓને લખીમપુર જતાં રોકવામાં આવ્યા હતા. તમામ નેતાઓની અટકાયત કરવામાં આવી હતી જોકે હવે પ્રિયંકાની ધરપકડ કરી લેવામાં આવી છે.