2019માં નરેન્દ્ર મોદીની સ્પર્ધા કરવા માટે કોંગ્રેસ પાસે નથી પૈસા: રિપોર્ટ

કોંગ્રેસ પાર્ટી આજકાલ નાણાંકીય સંકટોની સમસ્યાનો સામનો કરી રહી છે. કોંગ્રેસની પાસે એટલા પૈસા નથી કે એ 2019માં પ્રધાનમંત્રી નરેન્દ્ર મોદીની ભારતીય જનતા પાર્ચીને 2019ની ચૂંટણીમાં પડકાર આપી શકે. છેલ્લા પાંચ મહિનામાં કોંગ્રેસ નેતૃત્વના ઘણા રાજ્યોમાં પોતાના કાર્યાલયોને ચલાવવા માટે જરૂરી ફંડ મોકલવાનું બંધ કરી દીધું છે. આ મામલાની જાણકારી રાખનાર ઘણા કોંગ્રેસ અધિકારીઓએ જણાવ્યું કે કોંગ્રેસે પોતાના નેતાઓને પાર્ટી માટે ફંડ વધારવાનું અને ખર્ચામાં કાપ મૂકવા માટે કહ્યું છે. રાહુલ ગાંધીના નેતૃત્વ વાળી કોંગ્રેસ પાર્ટીમાં વેપારીઓ તરફથી આવનારા રૂપિયામાં ઘટાડો થઇ રહ્યો છે. પૈસાની સમસ્યા એટલી બધી છે કે કોંગ્રેસ પાર્ટીને પોતાના એક ઉમેદવારની મદદ માટે રૂપિયા માંગીને ફંડની વ્યવસ્થા કરવી પડી હતી. 

આ બાબતે કોંગ્રેસ પાર્ટીની સોશિયલ મીડિયી પ્રભારીએ કહ્યું કે 'અમારી પાસે પૈસા નથી. BJPની સરખામણીમાં અમારી પાસે ચૂંટણી ફંડમાંથી ખૂબ જ ઓછા પૈસા આવી રહ્યા છે.' જણાવી દઇએ કે ચૂંટણી ફંડ રાજકીય પાર્ટીઓને રૂપિયા આપવાની નવી પારદર્શી રીત છે. કોંગ્રેસની પાસે હવે આ રીતે જરૂરત પ્રમાણએ પૈસા આવી રહ્યા નથી. એટલા માટે કોંગ્રેસને પૈસા એકઠા કરવા માટે ઓનલાઇન મદદની મહોર લગાવી પડી હતી. 

પ્રધાનમંત્રી નરેન્દ્ર મોદી અને ભાજપ અધ્યક્ષ અમિત શાહની જોડીએ બનાવેલી રણનીતિથી કોંગેસને લગભગ મોટી ચૂંટણીઓમાં હાર આપી છે. જો ગણતરીની વાત કરીએ તો ભાજપ પોતાની સહયોગી પાર્ટી સાથે હાલમાં 20 રાજ્યોમાં રાજ કરી રહી છે. એમાંથી ઘણી સૌથી જૂની પાર્ટી એટલે કે કોંગ્રેસથી જ અલગ થઇને ભાજપની સાથે આવી છે. 

કોંગ્રેસે માર્ચ 2017માં ખતમ થનારા નાણાંકીય વર્ષમાં ભાજપની સરખામણીમાં 1/4 ઓછું ફંડ એકઠું કર્યું છે. ભાજપે એ સમયમાં આશરે 65 317 કરોડ રૂપિયાનું ફંડ એકત્રિત કર્યું છે.