ગાંધીનગરમાં આજથી 3 દિવસનું શિયાળુ સત્ર શરૂ થવા જઇ રહ્યું ત્યારે બિન સચિવાલય પરીક્ષા મામલે આજે કોંગ્રેસ વિધાનસભાનો ઘેરાવો કરવા જઇ રહી છે ત્યારે આ મામલે કોંગ્રેસ પ્રદેશ પ્રમુખ અમિત ચાવડા અને ધારાસભ્ય લલિત વસાયોએ ભાજપ પર પ્રહાર કર્યા હતા.
કોંગ્રેસના કાર્યકરોની આજે ગાંધીનગરમાં કૂચ
પરીક્ષાના પેપર લીક થાય છે, મહિલાઓ પર અત્યાચાર થાય છેઃ અમિત ચાવડા
સરકાર તમામ મુદ્દાને લઈને નિષ્ફળ સાબિત થઈઃ લલિત વસોયા
કોંગ્રેસ દ્વારા ગાંધીનગરમાં વિધાનસભાનો ઘેરાવ કરવામાં આવશે.વિવિધ પ્રશ્નોને લઈને કોંગ્રેસ દ્વારા વિરોધ કરવામાં આવશે. આ મામલે પ્રદેશ પ્રમુખ અમિત ચાવડાએ પ્રતિક્રિયા આપી છે કે, રાજ્યમાં દિવસે દિવસે પરીક્ષાના પેપર લીક થઈ રહ્યા છે, મહિલાઓ પર અત્યાચારના કેસમાં વધારો થઈ રહ્યો છે. કાયદો વ્યવસ્થાની પરિસ્થિતિ ખરાબ થઈ રહી છે. જેના કારણે કોંગ્રેસ દ્વારા વિરોધ કરવામાં આવશે.
લલિત વસોયાએ કહ્યું કે સરકાર તમામ મુદ્દાઓને લઈને નિષ્ફળ સાબિત થઈ છે. ખેડૂત હોય કે આજનો યુવાન હોય તમામ લોકોમાં સરકાર વિરુદ્ધ રોષ છે. સરકારી પરીક્ષાઓમાં બેદરકારી અને પેપર ફૂટી જવા સામાન્ય થઈ ગયા છે. જેના કારણે યુવાનોનું ભાવિ મુશ્કેલીમાં મુકાયું છે.
આમ હવે સરકાર વિરુદ્ધ વિરોધ પક્ષ વિરોધ નોંધાવશે. જો કોંગ્રેસને વિરોધ નોંધાવવા માટે પણ મંજૂરી નથી આપવામાં આવી. લલિત વસોયાએ કહ્યું કે પરીક્ષા આપનારા ઉમેદવારોની અટકાયત કરવામાં આવી રહી છે. જે અયોગ્યછે.