શીત લહેર / ગુજરાત ઠંડીનો પ્રકોપ યથાવત્, 5 શહેરમાં 10 ડિગ્રીથી નીચુ તાપમાન

• ગુજરાતમાં કડકડતી ઠંડીનો પ્રકોપ યથાવત્
• ગુજરાતના 5 શહેરમાં 10 ડિગ્રીથી નીચુ તાપમાન
• ડીસામાં તાપમાનનો પારો 7.5 ડિગ્રીએ પહોંચ્યો

રાજ્યભરમાંથી એકબાજુ કમોસમી વરસાદે વિદાય લીધા બાદ ઉત્તર ભારતમાં પડી રહેલ હિમવર્ષાના પગલે ઠંડા પવનની દિશા આ તરફની હોય ગુજરાતમાં ઠંડીનું જોર યથાવત્ જોવા મળી રહ્યુ છે. રાજ્યના 5 શહેરમાં તાપમાનનો પારો 10 ડિગ્રીથી નીચે ગગડ્યો છે. 

રાજ્યનું સૌથી ઠંડુ શહેર ડીસા જોવા મળ્યું છે. ડીસામાં તાપમાનનો પારો 7.5 ડિગ્રી પહોંચ્યો છે. જ્યારે કચ્છના નલિયામાં 8.4 અને ઇડરમાં 9 ડિગ્રી તાપમાન નોંધાયું છે. 

જ્યારે અન્ય શહેરની વાત કરીએ તો કંડલામાં 9.2, ભુજમાં 9.8 ડિગ્રી તાપમાન નોંધાયું છે. જ્યારે રાજકોટ, સુરેન્દ્રનગર, વલ્લભવિદ્યાનગરમાં 10 ડિગ્રી તાપમાન નોંધાયું છે. 

આમ ગુજરાતમાં શીત લહેરને લઇને રાજ્ય ઠંડુગાર બનતા કડકડતી ઠંડીનો પ્રકોપ જોવા મળ્યો છે. જ્યારે વડોદરામાં 11, અમરેલી અને અમદાવાદમાં 12 ડિગ્રી તાપમાન જોવા મળ્યું છે. 

જો કે રાજ્યમાં શનિવારે ઠંડા પવનોથી ઠંડીનું મોજુ ફરી વળ્યું હતું. પરંતુ રવિવારના રોજ મોટાભાગના શહેરમાં લઘુત્તમ તાપમાનમાં ફેરફાર જોવા મળ્યો હતો. આગામી બે દિવસ રાજ્યમાં ઠંડીનું જોર યથાવત્ રહેવાની શક્યતા છે.