CM રૂપાણીએ કહ્યું, 'કોંગ્રેસ જીતી તો પાકિસ્તાનમાં ફટાકડા ફૂટે', અમિત ચાવડાએ આપ્યો જવાબ

મહેસાણામાં ભાજપના વિજય સંકલ્પ સંમેલનમાં મુખ્યમંત્રી રૂપાણીએ કોંગ્રેસ પર ટિપ્પણી કરતા કહ્યું હતું કે, જો ચૂંટણીમાં કોંગ્રેસ આગળ હશે તો પાકિસ્તાનમાં ફટાકડા ફૂટશે. પરિણામના દિવસે કોંગ્રેસની જીતથી પાકિસ્તાનમાં ફટાકડા ફૂટશે. કોંગ્રેસ પાર્ટી પાકિસ્તાનની પાર્ટી હોય તેવું લાગે છે. 

કોંગ્રેસે શું કહ્યું ?
મુખ્યમંત્રીએ કોંગ્રેસ પર ટિપ્પણી કરતા કહ્યું હતુ કે 'જો કોંગ્રેસ જીતી જાય તો પાકિસ્તાનમાં ફટાકડા ફુટે' તે કરેલી ટીપ્પણીને લઈને રાજકીય માહોલ ગરમાયો હતો. 



ત્યારે કોંગેસના પ્રદેશ પ્રમુખ અમિત ચાવડાએ મીડીયાને પ્રતિક્રિયા આપતા કહ્યું હતું કે ભાજપે છેલ્લા પાંચ વર્ષમાં એવુ એક પણ કાર્ય નથી કર્યું કે જેથી તેઓ પ્રજા સામે જઈ શકે જેથી ભાજપ અત્યારે પાકિસ્તાનના મુદ્દાને લઈને પ્રજાને ભટકાવાનો પ્રયાસ કરી રહી છે. પણ હવે પ્રજા હોંશીયાર થઈ ગઈ હોવાથી પ્રજા આવી કોઈ વાતોમાં આવશે નહીં.