દિલ્હી / મેટ્રો સ્ટેશન પર આટલી મોટી રકમ સાથે પકડાયા યુવક-યુવતી, આંકડો જાણીને આંખો ફાટી જશે

• મેટ્રો લાઈન પર પકડાયા યુવક યુવતી
• તેમની બેગમાં હતી 1 કરોડ રૂપિયાની કેશ
• એમપીના જબલપુરથી લાવ્યા હતા રૂપિયા
• ચાંદની ચોકમાં કોઈ વ્યક્તિને આપવાના હતા રૂપિયા

રાજસ્થાનના રહેવાસી યુવક યુવતી જબલપુરથી લાવ્યા હતા કેશ

મેટ્રોની વાયલટ લાઈનના જંગપુરા સ્ટેશન પર ફરજ બજાવી રહેલા સીઆઈએસએફના સુરક્ષાકર્મીઓએ ગુરુવારે અચરજ પામ્યા હતા જ્યારે સુરક્ષાને લઈને ચાલી રહેલી તપાસમાં સ્કેનરમાં એક બેગ પકડાઈ. બેગમાં 1 કરોડ રૂપિયાની કેશ હતી. બેગ ખોલીને તપાસ કરતાં જાણવા મળ્યું કે યુવક યુવતી રાજસ્થાનના રહેવાસી છે. વિકાસ ચૌહાણ (20) રાજસ્થાનનો છે અને યુવતી આરતી (20) જબલપુરની રહેનારી છે. પૂછપરછમાં બંનેમાંથી કોઈએ પણ સંતોષકારક જવાબ આપ્યો નથી. થોડા સમય બાદ બંનેને નહેરુ પ્લેસના મેટ્રો રેલ પોલિસને જાણ કરવામાં આવી.

રૂ. 1 કરોડની કેશ સાથે સ્ટેશન પર પકડાઈ ગયા યુવક યુવતી

થોડી વારમાં જ સીઆઈએસએફ અને રેલવે પોલિસના સીનિયર ઓફિસર પહોંચી ગયા. ઈન્કમ ટેક્સ વિભાગના આધિકારીઓને પણ સૂચિત કરવામાં આવ્યા હતા. પૂછપરછમાં જાણવા મળ્યું છે કે બંને વ્યક્તિઓ જબલપુરથી આ કેશ લઈને આવ્યા હતા. ત્યાંના એક વેપારીએ તેમને આ રકમ આપી હતી. તેઓ આ રકમ દિલ્હીના ચાંદની ચોકમાં એક વ્યક્તિને આપવાના હતા. આ જગ્યાનું સરનામું તેઓ ચાંદની ચોક પહોંચે પછી ફોન પર મળવાનું હતું. પરંતુ તે સ્ટેશન પર જ પકડાઈ ગયા હતા.