OMG / કંપનીએ આપી ગજબની ઓફર: ત્રીજા સંતાનને જન્મ આપશો તો 1 વર્ષની મળશે રજા, 11 લાખનું બોનસ પણ ખરૂ !

• ચીનમાં વધતી વસ્તી માટે આ નીતિ લાગૂ કરી હતી
• આ નીતિના કારણે આવ્યા ભયંકર પરિણામ
• હવે સરકારે ફરી પાછી નવી નીતિ પર કરી રહી છે કામ

ચીનમાં વધતી જતી જનસંખ્યાને કાબુમાં કરવા માટે 1980માં 'એક બાળકની નીતિ' ( ONE CHILD POLICY ) લાગુ કરવામાં આવી હતી. પરંતુ અંદાજે 40-50 વર્ષ સુધી આ નીતી લાગુ રહ્યા પછી દેશમાં વૃધ્ધોની સંખ્યા વધવા લાગી હતી. આ પછી સરકારે 'એક બાળકની નીતિ' ને 2016 માં રદ કરી દીધી.

કંપનીએ આપી ગજબની ઓફર

ચીનની કેટલીક કંપનીઓ કર્મચારીઓ માટે ગજબની ઓફર આપી રહી છે. જેના મુજબ જો કર્મચારી ત્રીજુ બાળક પેદા કરે છે, તો તેઓને 1 વર્ષ સુધી રજા મળશે. આ ઉપરાંત 11.50 રૂપિયા (90,000 ચીની યુઆન ) નું ઈનામ પણ આપવામાં આવશે. હાલમાં જ આવેલો રિપોટૅ જણાવે છે કે બેઇજિંગની દેબિયોંગ ગ્રુપ ( Debinong technology group )     કંપનીએ પોતાના કર્મચારીઓ માટે આ યોજના શરૂ કરી છે. જે મુજબ ત્રીજુ બાળક થવા પર 90,000 યુઆન રોકડા બોનસમાં આપવામાં આવશે. આ ઉપરાંત કંપની તરફથી મહિલા કર્મચારીઓને 1 વર્ષની અને
પુરૂષ કર્મચારીઓને 9 મહીનાની રજા આપવામાં આવશે. વધુમાં     જો કર્મચારીને બીજું બાળક હોય, તો પણ તેઓને 60,000 યુઆન રોકડા બોનસમાં આપવામાં આવશે. એટલે કે લગભગ 7 લાખ રૂપિયા. તેમજ પહેલા બાળક પર 30,000 યુઆન એટલે કે લગભગ 3.50 લાખ રૂપિયા રોકડા બોનસમાં આપવામાં આવશે.

ચીને અગાઉ લાગૂ કરી હતી આ નીતિ

જાણકારી મુજબ, 3  બાળક વાળી સરકારની નીતિના સમર્થનમાં કંપનીએ આ યોજના શરૂ કરી છે. નોંધપાત્ર વાત એ છે કે દુનિયામાં સૌથી વધુ વસ્તીવાળા દેશ ચીનમાં વધતી     જતી જનસંખ્યાને કાબુમાં કરવા માટે 1980માં 'એક બાળકની નીતિ' (one child policy) લાગુ કરવામાં આવી હતી. પરંતુ લગભગ 40-50 વર્ષ સુધી આ નીતિ લાગુ રાખ્યા પછી દેશમાં વૃધ્ધોની સંખ્યા વધવા લાગી હતી. આનાથી જોડાયેલી બીજી સમસ્યાઓ પણ સામે આવી હતી. આ પછી સરકારે 'એક બાળક નીતિ' ને 2016 માં રદ કરી હતી.

જોકે સરકાર દ્વારા નવી નીતિ લાગુ કર્યા પછી પણ ચીનની યુવા વસ્તીમાં વધારે બાળક પેદા કરવા પ્રત્યે શુષ્ક વલણ જોવા મળ્યુ છે. તેથી હવે કોર્પોરેટ જગત આગળ આવ્યું છે. કેટલીય કંપનીઓએ 2021 થી 'ત્રણ બાળક નીતિ' ના ભાગરૂપે પોતાના કર્મચારીઓને પ્રોત્સાહિત કરવાનું શરૂ કર્યુ છે.