તણાવ / કપટી ચીનની નવી ચાલબાજી, ભારત સાથે આ મામલે હવે વધારી રહ્યું છે સંઘર્ષ 

• ચીન પીછેહઠ કરવાની વાત નથી માનતું
• પેગોંગ પછી હવે એલએસી પર ખોલ્યો વધુ એક મોરચો 
• ભારત અને ચીનની સેનાઓ વચ્ચે તાજેતરમાં જ યોજાઇ હતી બેઠક

ડ્રેગન હવે ફરીથી વધુ એકવાર ભારત ચીન સરહદ સરહદ પર તેની દાદાગીરી દેખાડી રહ્યું છે. ભારત ચીન સાથેના ટકરાવને ઘટાડવાનો સતત પ્રયાસ કરી રહ્યો છે, પરંતુ એકવાર ફરીથી ચીને પૂર્વી લદ્દાખના હોટ સ્પ્રિંગ્સ, ગોગરા અને દેપ્સાંગના વિસ્તારોમાં તેનું સૈન્ય પાછા ખેંચવાનો ઇનકાર કરી દીધો છે.

ચીને પીછેહઠ કરવાનો ઇનકાર કર્યો 

ગયા અઠવાડિયે, ચીન અને ભારત વચ્ચે 13 કલાક લાંબી 11માં રાઉન્ડની સૈન્ય વાટાઘાટો થઈ હતી, જેમાં ચીને આ વિસ્તારોમાંથી પીછેહઠ કરવાનો ઇનકાર કર્યો હતો. આ મામલાથી વાકેફ એક વરિષ્ઠ અધિકારીએ જણાવ્યું હતું કે, ચીની આર્મીએ ગોગરા-હોટ સ્પ્રિંગ્સ વિસ્તારોમાં એપ્રિલ 2020 પહેલાંની પરિસ્થિતિમાં પાછા ફરવાનો સ્પષ્ટ ઇનકાર કરી દીધો છે. પીછેહઠ કરવાને બદલે, ચીની આર્મીએ ભારતીય સેનાને તેના વતી વિચારણા કરવા માટે કેટલીક દરખાસ્તો કરી છે. સૈન્યને આ વિસ્તારમાં સંપૂર્ણ પીછેહઠ કરવામાં થોડો વધુ સમય લાગશે.

ચીન પાછા ફરવા માંગતું નથી

ડ્રેગન ઈચ્છે છે કે ભારતીય સેનાએ વાસ્તવિક નિયંત્રણ રેખાની નજીક પેટ્રોલિંગ પોઇન્ટ 15 અને 17 એ પર તેની નવી સ્થિતિ સ્વીકારવી જોઈએ અને એપ્રિલ 2020 પહેલાંની સ્થિતિ માટે તે સંમત નથી.

2013થી આ વિસ્તારમાં તણાવ છે 

અન્ય એક અધિકારીએ જણાવ્યું હતું કે, એપ્રિલ, 2020 થી લગભગ 60 ચીની સૈનિકો ગોગરા-હોટ સ્પ્રિંગ્સ વિસ્તારોમાં હાજર છે. જ્યાં સુધી ચીન પોતાની સેના પાછા નહીં ખેંચે ત્યાં સુધી આ વિસ્તાર ખાલી કરવાની પ્રક્રિયાને સંપૂર્ણ માનવામાં આવશે નહીં. એકવાર આ તબક્કો પૂર્ણ થયા પછી, તે પછી દેપસાંગ વિસ્તારમાં ભારતીય સૈન્યના પેટ્રોલિંગ રાઇટ્સના મુદ્દાને આગળ લાવવામાં આવશે. આ મુદ્દો વર્ષ 2013થી લંબિત છે.

ક્ષેત્રો વ્યૂહાત્મક રીતે ખૂબ જ મહત્વપૂર્ણ છે

ખરેખર, આ ક્ષેત્ર ભારત અને ચીન બંને માટે વ્યૂહાત્મક રીતે મહત્વપૂર્ણ છે. ચીની સેના ગોગરા, હોટ સ્પ્રિંગ અને કોંગ્કા લાથી આ વિસ્તારમાં સ્થિત તેના સૈન્યને મોટી સંખ્યામાં લોજિસ્ટિક્સ પહોંચાડવામાં સક્ષમ છે. 20 મી ફેબ્રુઆરીએ લશ્કરી વાટાઘાટોનો દસમો રાઉન્ડ યોજાયો હતો. પેંગોંગ લેકની ઉત્તરીય અને દક્ષિણ બાજુએથી બંને દેશોની સેનાએ તેમના સૈનિકો અને શસ્ત્રો ખસેડવાની સંમતિ આપી. જો કે હવે ચીન તેની અવગણના કરી રહ્યું છે.