નિવેદન / કોરોના વાયરસનો ફાયદો ઉઠાવવામાં લાગ્યુ છે ચીન, ભારત તેનું ઉદાહરણ : અમેરિકન ડિપ્લોમેટ

• વિવાદ ચીનના પોતાના પડોસીઓ સાથે મતભેદના કારણે છે
• સેનાના ઉપયોગ વગર શાંતિથી ઉકેલ શોધે
• ચીન પોતાના પડોસી દેશોને હેરાન કરી રહ્યું છે.

ઈર્સ્ટ એશિયન એન્ડ પેસિફિક મામલાઓના આસિસ્ટન્ટ સેક્રેટરીએ વિદેશ મંત્રી માઈક પોમ્પિયોના આ નિવેદનને લઈને પ્રતિબદ્ધતા ગણાવી છે. જેમાં તેમણે કહ્યું કે અમેરિકાને આશા છે કે ભારત અને ચીનની બોર્ડર પર તણાવના મુદ્દે શાંતિપૂર્ણ રીતે સમસ્યાનો ઉકેલ શોધે.

ભારત અને ચીનની વચ્ચેના તણાવ પર ડેવિડ સ્ટિલવેલે કહ્યું કે હિમાલય સહિત અન્ય મુદ્દાઓ પર વિવાદ વિશેષ રુપથી ચીનના પોતાના પડોસીઓ સાથે મતભેદના કારણે છે. અમે તેને સલાહ આપીએ છીએ કે વાતચીતના નિર્ણય પર પાછા ફરે અને કોઈ દબાણ કે સેનાના ઉપયોગ વગર શાંતિથી ઉકેલ શોધે.

આ પહેલા અમેરિકાના વિદેશ મંત્રી માઈક પોમ્પિઓએ ચીનની સત્તાધારી પાર્ટી ચાઈનીઝ કમ્યુનિસ્ટ પાર્ટી પર નિશાનો સાધ્યો હતો કે તે પોતાના પડોસી દેશોને હેરાન કરી રહ્યું છે.

પોમ્પિયોએ કહ્યું કે તાઈવાન સ્ટ્રેટથી લઈ હિમાલય અને તેનાથી પણ આગળ ચીન કમ્યુનિસ્ટ પાર્ટી સ્પષ્ટ રીતે પોતાના પડોશી દેશોને હેરાન કરવામાં લાગેલી છે. તેમણે કહ્યું કે, અમે ભારત - ચીનની બોર્ડર પરની સ્થિતિ મામલે શાંતિપૂર્ણ ઉકેલની આશા રાખીએ છીએ.