કોરોનાનો કહેર / ચીનમાં ફરી વકર્યો કોરોના, છેલ્લા 24 કલાકમાં 100 નવા કેસ આવતાં વધી ચિંતા

• ચીને ફરી એકવાર વધારી ચિંતા
• ચીનમાં 24 કલાકમાં કોરોનાના 100 એક્ટિવ કેસ
• 63 કેસમાં કોઈ પણ લક્ષણો જોવા મળ્યા નથી

1000થી વધુ કેસમાં વિદેશથી આવેલા લોકો સામેલ

ચીનના રાષ્ટ્રિય સ્વાસ્થ્ય આયોગના આધારે શનિવાર સુધી દેશમાં 1280 કેસ હતા જે વિદેશથી સંક્રમિત થઈને આવ્યા હતા. તેમાંથી 481ને સાજા થયા બાદ હોસ્પિટલથી રજા આપવામાં આવી હતી. 799ની સારવાર હજુ પણ ચાલુ છે. આયોગે જણાવ્યું કે શનિવારે ચીનના ભૂભાગથી 100 કેસ આવ્યા જેમાંથી 97 વિદેશથી આવેલા દર્દીઓ હતા. શનિવારે 63 કેસ એવા આવ્યા જેમાં સંક્રમણ હતું પણ કોઈ લક્ષણો ન હતા. તેમાથી 12 લોકો એવા છે જે વિદેશથી સંક્રમિત થઈને આવ્યા છે. 

લોકડાઉન હટ્યા બાદ ફરીથી વધી ચિંતા

વાયરસના કેન્દ્ર હુબેઈ પ્રાંત અને તેની રાજધાની વુહાનમાં તેના પ્રસાર પર નિયંત્રણ મેળવ્યા બાદ કોરોનાના કેસ ફરી ચિંતાનો વિષય બન્યા છે.ખાસ કરીને જ્યારે ચીને આખા દેશમાં સામાન્ય ગતિવિધીની પરમિશન આપી હતી. મળતી માહિતી અનુસાર દેશના કેટલાક ભાગમાં સમૂહ સ્તર પર કોરોના વાયરસ સંક્રમણની જાણકારી સામે આવ્યા બાદ આયોગ પ્રવક્તા મી ફેંગે શનિવારે લોકોને રક્ષાત્મક ઉપાયોને મજબૂત કરવા અને ભીડ ન કરવા કહ્યું છે. અન્ય દેશોમાં ફસાયેલા ચીનના નાગરિકોને ચીન સરકારની મદદથી દેશમાં પરત લાવ્યા બાદ કોરોનાના કેસ વધ્યા છે અને તેમને 14 દિવસ માટે ક્વોરન્ટાઈન કરાયા છે.