લદ્દાખ સરહદ પર ચીન તેમની સેના વધારી રહ્યું છે. જે મામલે આર્મી ચીફ નરવણે કહ્યું કે આ એક ચિંતાનો વિષય છે. જોકે તેમણે એવું પણ કહ્યું કે ભારતીય સેના પણ દરેક સ્થિતીનો સામનો કરવા તૈયાર છે.
લદ્દાખ સરહદ પર ચીન વધારી રહ્યું છે તેની સેના
આર્મી ચિફ એમએમ નરવણે આપ્યું મોટુ નિવેદન
ભારતીય સેના દરેક સ્થિતીનો સામનો કરવા તૈયાર
આર્મી ચીફ જનરલ એમએમ નરવણએ આજે કાશ્મીરી અને ચીમ મુદ્દે મોટું નિવેદન આપ્યું છે. જેમા તેમણે કાશ્મીર મુદ્દે કહ્યું કે પહેલા આતંકીઓ સેનાને ટાર્ગેટ કરતા હતા. પરંટું હવે તેઓ કાશ્મીરમાં નિર્દોષ લોકોને ટાર્ગેટ કરી રહ્યા છે. વધુમાં તેમણે એવું પણ કહ્યું કે આતંકીઓ કાશ્મીરના લોકોને પોતાના માને છે તો પછી તેમને શું કામ ટાર્ગેટ કરતા હશે.
ચીન પૂર્વીય લદ્દાખમાં વધારી રહ્યું છે સેના
ચીન મુદ્દે નરવણએ એવું નિવેદન આપ્યું કે જે રીતે ચીન પૂર્વીય લદ્દાખમાં સેના વધારી રહ્યું છે તે એક ચિંતાનો વિષય બન્યો છે. પરંતું તેની સામે ભારતીય સેના પણ તેમને જડબાતોડ જવાબ આપવા માટે તૈયાર છે. સાથેજ તેમણે કહ્યું કે સેના ઠંડીના માહોલમાં પણ તૈનાત રહેતી હોય છે જેથી ત્યા એલઓસી જેવી સ્થિતી બની શકે છે.
બંને દેશની સેના સરહદ પર 17 મહિનાતી તૈનાત
જોકે સમગ્ર મામલે નરવણેએ એવું કહ્યું જેવી સ્થિતી એલઓસી પર હોય છે તેવી પૂરીપૂરી સ્થિતી લદ્દાખમાં નહી હોય. સાથેજ તેમણે કહ્યું કે ચીનની સેના જો સરહદ પર તૈનાત રહેશે તો ભારતીય સેના પણ ત્યા તૈનાત રહેવાની. ઉપરાંત કેમણે એવું પણ કહ્યું કે પૂર્વી લદ્દાખમાં સરહદ પાસે ભારતી અને ચીનની સેના છેલ્લા 17 મહિનાથી તૈનાત છે. જોકે બંને દેશોએ વાતચીત કરી ત્યારબાદ ઘણી બધી જગ્યાએથી બંને દેશોની સેના અલગ થઈ છે.
બોર્ડર પર ચીનની હરકતો ચિંતાનો વિષય
સમગ્ર મામલે આર્મીચીફે એવું પણ કહ્યું કે ચીન જે રીતે બોર્ડર પર નવા નિર્માણો કરી રહ્યું છે તે ચિંતાનો વિષય છે. સાથેજ તેમણે કહ્યું તે ચીન લાંબા સમય સુધી બોર્ડર પર રહેવાનું તે નક્કી છે જેથી ભારતીય સેના પણ એલર્ટ મોડમાં છે. જો તે લોકો ત્યા રોકાશે તો ભારતીય સેના પણ સરહદ પર તૈનાત રહેવાની.
ચીનને ક્યારેય સફળ નહી થવા દઈએ: નરવણે
ઉલ્લેખનીય છે કે આર્મી ચીફે એવું પણ ક્હયું હતું કે વિશ્વ હાલ કોરોના મહામારીનો સામનો કરી રહ્યું છે ત્યારે ચીન સામે કોરોના મહામારીને કારણે ઘણા પડકારો છે. તેમ છતા તે કેમ સરહદ પર વિવાદ કેમ ઈચ્છે છે તે વાત સમજ નથી આવી રહી. જોકે સમગ્ર મામલે તેમણે એવું પણ કહ્યું કે ચીને તે પણ ટાર્ગેટ સેટ કર્યા છે. તેમા તેને ક્યારેય સફળ નહી થવા દઈએ.