નવી ચાલ / ચીને 5 દિવસમાં 40 હજારથી વધુ સાઈબર અટેક કરાવ્યા, તમે પણ છો રડારમાં, ધ્યાન રાખજો નહીંતર

• ભારતીય મંત્રાલયો અને કંપનીઓ ચીની હેકર્સના નિશાને 
• છેલ્લા 5 દિવસમાં ચીની હેકર્સે 40 હજારથી વધુ સાયબર અટેકનો કર્યો પ્રયાસ
• બંને દેશો વચ્ચે સ્થિતિ વણસ્યા બાદ સીમા પારથી સાયબર અટેક વધ્યા
• છેલ્લા 4થી 5 દિવસમાં ઓછામાં ઓછા 40 હજાર 300 સાયબર એટેક

મહારાષ્ટ્ર પોલીસ સાયબર વિંગ મુજબ સીમા પારથી ઓનલાઇન હુમલામાં સતત વધારો થઇ રહ્યો છે અને પૂર્વ લદ્દાખમાં બંને દેશો વચ્ચે થયેલા ઘર્ષણ બાદ આ પ્રમાણ વધી ગયું છે. મહારાષ્ટ્ર સાયબર વિભાગે આ પ્રકારના હુમલાઓની માહિતી એકઠી કરી છે. જેમાં સૌથી વધુ હુમલા ચીનના ચેંગદૂમાંથી કરવામાં આવ્યા છે.

 મળતી માહિતી મુજબ ભારતીય સાયબર સ્પેસના સ્ત્રોત પર ઓછોમાં ઓછા 40 હજાર 300 જેટલા સાયબર હુમલા છેલ્લા 4થી 5 દિવસમાં કરવામાં આવ્યા છે. સાયબર હુમલાઓના કારણે સેવામાં અડચણ, ઇન્ટરનેટ પ્રોટોકોલ અને ફિશિંગ જેવી સમસ્યા થઇ રહી છે. જેને લઇ ઇન્ટરનેટ યુઝર્સે ફાયરવોલ અથવા સાયબર સુરક્ષા ઓડિટ કરાવવાની સૂચના અપાઇ છે.

અગાઉ સિંગાપુર બેસ્ટ સાયબર ઇન્ટેલિજન્સ ફર્મએ દાવો કર્યો હતો કે ચીનનું જાણીતું હેકર્સ ગ્રુપ ભારતને ટાર્ગેટ કરી રહ્યું છે. રિપોર્ટ મુજબ ચીની હેકર્સ ભારતીય રક્ષા મંત્રાલય સહિત ભારતની મોટી કંપનીઓને પણ નિશાન બનાવી રહી છે. રિપોર્ટમાં દાવો કરાયો છે કે ચીની સરકાર સાથે સંબંધ ધરાવતા હેકર ભારતીય બિઝનેસ પર વારંવાર અટેક કરી રહ્યાં છે. 

સાઇફર્મના જણાવ્યા મુજબ ડિફેન્સ સહિત ચીનના હેકર્સ ગ્રુપ ભારતની ટેલીકોમ કંપનીઓને પણ પોતાનું નિશાન બનાવી રહી છે. જેમાં એરટેલ, BSNL, રિલાયન્સ જીયો સહિતની કેટલી ફાર્મા કંપનીઓ જેમ કે સિપ્લા, સન ફાર્માને પણ નિશાન બનાવી રહ્યાં છે. સાથે જ રિપોર્ટમાં દાવો કરાયો છે કે MRF અને L&T જેવી કંપનીઓને પણ ચીની હેકર્સ નિશાન બનાવી રહ્યાં છે.  

આ હેકર્સ કંપનીઓ સંવેદનશીલ માહિતીની ચોરી કરવાની ફિરાકમાં છે. જેમાં ટ્રેડ સિક્રેટ્સ પણ હોય છે. જે કોઇ પણ કંપની માટે ઘણો મહત્વનો ડેટા હોય છે. સાથે જ સાઇફર્મના રિપોર્ટમાં દાવો કરાયો છે કે હેકર્સ સાથેની વાતચીતના આઇસી એડ્રેસના અભ્યાસના આધારે એ જાણવા મળ્યું કે આ સાયબર અટેક પાછળ ગોથિક પાંડા અને સ્ટોન પાંડાનો હાથ છે. આ બંને જાણીતા હેકર્સ ગ્રુપ છે.જે ચીન સરકાર સાથે સંબંધ ધરાવે છે.