મેડિકલ સાયન્સમાં ઘણી વખત આશ્ચર્યચકિત થઇ જવાય તેવા કિસ્સાઓ જોવા મળે છે. જેમાં વ્યક્તિ સહિત ડોકટરને પણ જાણે નવાઇ લાગતી હોય છે. હાલમાં અમદાવાદની સિવિલ હોસ્પિટલ ખાતે આવો જ એક કિસ્સો જોવા મળ્યો. જેમાં એક બાળકને જન્મથી જ બે ગુપ્તાંગ જોવા મળ્યું હતું.
રાજ્યમાં આ પ્રકારનો પ્રથમ કેસ સામે આવ્યો છે. ડોકટરો માટે સૌથી મોટો પડકાર એ હતો કે બાળકનું અક લિંગ દૂર કરી તેનું જીવન સામાન્ય બનાવવું. જો કે અમદાવાદની સિવિલ હોસ્પિટલના ડોકટરો દ્વારા આ બાળક પર સફળ સર્જરી કરવામાં આવી હતી અને એક લિંગને દૂર કરાયું હતું.
જામખંભાળિયામાં રહેતા એક પરિવારને ત્યાં બિ દિકરી બાદ એક દિકરાનો જન્મ થતાં ખુશીનો માહોલ જોવા મળ્યો હતો. જો કે દિકરાને બે લિંગ અને પુઠના ગાંઠ જોવા મળતાં આશ્ચર્યમાં મુકાઇ ગયા હતા. જો કે ત્યારબાદ પરિવારે જામનગર સિવિલ હોસ્પટલમાં ડોકટરોની સલાહ લેતાં મેડિકલ ટેસ્ટ કરવામાં આવ્યો.
જો કે ત્યારબાદ સર્જરી કરાવવા માટે અમદાવાદ સિવિલ હોસ્પિટલનું નામ રિફર કરવામાં આવ્યું હતું. જેને લઇને પરિવાર બાળકને લઇને અમદાવાદ આવ્યાં હતા અને સિવિલ હોસ્પિટલમાં બાળકોની સર્જરી વિભાગમાં દાખલ કર્યો હતો. જો બાળકોના વિભાગના ડોકટરે બાળકની તપાસ કરી એમઆરઆઇ સહિતના ટેસ્ટ કરાવ્યાં હતા.
રિપોર્ટ બાદ બાળકની સર્જરી અંગે નક્કી કરવામાં આવ્યું હતું. આમ સિવિલ હોસ્પિટલના પિડિયાસ્ટ્રીક સર્જરી વિભાગ દ્વારા અંદાજે અઢી કલાક ઓપરેશન કર્યા બાદ સફળ સર્જરી કરાઇ. બાળકની સર્જરી કરનાર ડોકટરે જણાવ્યું હતું આ પ્રકારના વિશ્વમાં અત્યાર સુદી 30 કિસ્સા જ નોંધાયા છે.
જો કે ડોકટરો માટે વધારાનું લિંગ દૂર કરતી વખતે અને પૂંઠ પાસેની ચરબીની ગાંઠ દૂર કરતી વખતે કોઇપણ પ્રકારનું બીજુ નુકસાન ન થાય તે ખાસ ધ્યાન રાખવું જરૂરી હતું. સફળ ઓપરેશન બાદ બાળક સ્વસ્થ થઇ જતાં ડોકટરો દ્વારા હોસ્પિટલમાંથી રજા પણ આપી દેવામાં આવી છે.
જો કે ડોકટરો માટે ઘણી વખત કોઇ બાળક ત્રણ હાથ કે ત્રણ પગ સાથે જન્મ લે તેવા કિસ્સા સામે આવતાં હોય છે પરંતુ વધારાના લિંગ સાથે બાળકનો જન્મ થયો હોય તેવો ગુજરાતનો પ્રથમ અને દેશનો બીજો જ કિસ્સો હતો.