IPLIN
 
  • Home
  • Gujarat
  • Extra
  • chief-minister-vijay-rupani-banaskantha-became-the-guest-of-the-republic-day-celebrations

પ્રજાસત્તાક દિનની ઉજવણીને લઇને CM વિજય રૂપાણી બનાસકાંઠાના બન્યા મે'માન

Team VTV 12:38 PM, 25 Jan 19 | Updated: 07:12 PM, 30 Mar 19
Follow us
chief-minister-vijay-rupani-banaskantha-became-the-guest-of-the-republic-day-celebrations
બનાસકાંઠા: મુખ્યમંત્રી વિજય રૂપાણી બે દિવસીય બનાસકાંઠાના પ્રવાસે છે. ત્યારે આજે વહેલી સવારે મુખ્યમંત્રી પાલનપુર ખાતે આવી પહોંચ્યા હતા. જ્યાં પ્રજાસત્તાક દીન નિમિતે આયોજીત રેલીને તેમણે લીલી ઝંડી બતાવી પ્રસ્થાન કરાવ્યું હતું.
  આ રેલીસમાં મોટી સંખ્યામાં યુવાઓની સાથે-સાથે મહિલાઓ બાઈક લઈને જોડાઈ હતી. આ રેલીમાં નારી શક્તિનો અદભૂત નજારો જોવા મળ્યો. મહિલાઓએ કાયદાના પાલનની સાથે-સાથે પોતાનો દેશ પ્રેમ પણ બતાવ્યો. દરેક મહિલાએ કેસરી કલરના હેલમેટ સાથે કાયદાનું પાલન કર્યું. તો હાથમાં રાષ્ટ્રધ્વજ ઉઠાવી દેશનું ગૌરવ વધાર્યું છે.
  ઉલ્લેખનીય છે કે બનાસકાંઠાના પાલનપુરમાં રાજયકક્ષાનો ઘ્વજ વંદન કાર્યક્રમ યોજાઇ રહ્યો છે. શુક્રવારથી બે દિવસ સુધી મુખ્યમંત્રી વિજય રૂપાણી બનાસકાંઠામાં જ રોકાવાના છે. જેમાં 26મી જાન્યુઆરીની સાથે સાથે વિવિધ વિકાસ કામોનું પણ ખાતમુહૂર્ત અને લોકાર્પણ કરવાના છે. 

26મી જાન્યુઆરીના રોજ પોલીસ દ્વારા વિવિધ કાર્યક્રમો રજૂ કરવામાં આવશે. જેનું રિહર્સલ પાલનપુર ખાતે કરવામાં આવ્યુ હતું. પોલીસની સાથે સાથે મહિલા પોલીસ દ્વારા પણ દિલધડક કરતબ રજુ કરવામાં આવ્યા હતાં. દિલધડક કરતબ જોવા માટે લોકોના ટોળેટોળા ઉમટયા હતાં. 26મી જાન્યુઆરીના રોજ સૌએ હાજર રહેવા આમંત્રણ અપાયુ છે.
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ