માનવતા / ST બસ ડ્રાઈવરે બસસ્ટેન્ડની જગ્યાએ સીધી હોસ્પિટલ પહોંચાડી, આ વાત જાણીને તમે પણ કહેશો સલામ છે

• છોટાઉદેપુરમાં સરકારી બસના ડ્રાઇવરની માનવતા સામે આવી
• ગર્ભવતી મહિલાને તાત્કાલિક પહોંચાડી હોસ્પિટલ
• વીટીવી આ બસના ડ્રાઈવરને સલામ કરે છે

છોટાઉદેપુરમાં એક અદભૂત ઘટના સામે આવી છે. જ્યાં એક સરકારી બસ બસસ્ટેન્ડની જગ્યાએ સીધી પહોંચી ગઈ સરકારી હોસ્પિટલ. જી હા..બસમાં સવાર એક મહિલાને મુસાફરી દરમિયાન પ્રસુતાનો દુઃખાવો ઉપડ્યો. 

આ વાતની જાણ બસ ચાલકને થઈ અને બસને સ્ટેયરિંગ વાળી દીધુ હોસ્પિટલ તરફ અને સફળતા પૂર્વક મહિલાને હોસ્પિટલ પહોંચાડી દીધી. આ ઘટના જ સાબિત કરી આપે છે કે આજે પણ લોકોમાં માનવતા કાયમ છે. 

ખાનગી હોસ્પિટલમાં ડૉક્ટર હાજર ન હોવાથી સરકારી હોસ્પિટલ ખસેડાઇ

ગર્ભવતી મહિલા એસ.ટી બસમાં સફર કરી રહી હતી. તે દરમિયાન અચાનક તેને દુઃખાવો ઉપડ્યો હતો. જેને છોટાઉદેપુરના એસ.ટી બસના ચાલકે બોડેલીમાં બસ ખાનગી હોસ્પિટલ પહોંચાડી હતી. ત્યારબાદ ખાનગી હોસ્પિટલમાં ડૉક્ટર હાજર ન હોવાથી મહિલાને સરકારી હોસ્પિટલમાં ખસેડવામાં આવી હતી.

મહત્વનું છે કે, એસ.ટી ચાલકની માનવતાના લોકોએ વખાણ કર્યા હતા. બસને તાત્કાલિક હોસ્પિટલ પહોંચાડીને બસ ચાલકે ઉમદા કાર્ય કર્યું. વીટીવી આ બસના ડ્રાઈવરને સલામ કરે છે.