જાણવા જેવું / આખરે ISROએ ચંદ્રયાન 3ના લેન્ડિંગ માટે 23 ઓગસ્ટ જ કેમ પસંદ કરી? જાણો શું છે રહસ્ય

• 23 ઓગસ્ટના રોજ રચાશે ઈતિહાસ
• ચંદ્રની સપાટી પર લેન્ડ થશે ચંદ્રયાન-3
• લેન્ડિંગ માટે 23 ઓગસ્ટની તારીખ જ શા માટે પસંદ કરવામાં આવી?

ચંદ્રયાન-3 ચંદ્ર પર લેન્ડ કરતાની સાથે 23 ઓગસ્ટની તારીખ ઈન્ડિયન સ્પેસ રિસર્ચ ઓર્ગેનાઈઝેશન (ISRO) અને ભારતના ઈતિહાસમાં નોંધાઈ જશે. જેમ જેમ સમય પસાર થઈ રહ્યો છે, તેમ તેમ લોકોમાં ઉત્સુકતા જોવા મળી રહી છે. 23 ઓગસ્ટના રોજ સાંજે 06:04 વાગ્યે ચંદ્રયાન ચંદ્રની ધરપતી પર લેન્ડ કરશે. ઈસરોએ ચંદ્ર પર ચંદ્રયાન-3ના લેન્ડિંગ માટે આ તારીખ જ શા માટે પસંદ કરી?

ચંદ્રયાન ચંદ્રના દક્ષિણ ધ્રુવ પર લેન્ડ કરશે. હાલમાં ચંદ્ર પર અંધારૂ છે, 23 ઓગસ્ટના રોજ ત્યાં સૂરજ નીકળશે. ચંદ્રયાનનું ટાઈમિંગ એ રીતે સેટ કરવામાં આવ્યું છે કે, 23 ઓગસ્ટના રોજ ચંદ્ર પર સૂરજનો પ્રકાશ પડશે, ત્યારે ચંદ્રયાન સોફ્ટ લેન્ડિંગ કરશે. 

Chandrayaan-3 Mission:
The mission is on schedule.
Systems are undergoing regular checks.
Smooth sailing is continuing.

The Mission Operations Complex (MOX) is buzzed with energy & excitement!

The live telecast of the landing operations at MOX/ISTRAC begins at 17:20 Hrs. IST… pic.twitter.com/Ucfg9HAvrY

— ISRO (@isro) August 22, 2023

23 ઓગસ્ટના રોજ ચંદ્ર પર સૂરજ નીકળશે
પૃથ્વી પર 24 કલાકનો એક દિવસ હોય છે, ચંદ્ર પર 708.7 કલાકનો એક દિવસ હોય છે. ચંદ્ર પરનો એક દિવસ પૃથ્વીના 29 દિવસને સમાન હોય છે. ચંદ્ર પર પૃથ્વીના 14 દિવસોને બરાબર 1 દિવસ હોય છે અને રાત પણ તેટલી જ લાંબી હોય છે. 23 ઓગસ્ટના રોજ ચંદ્ર પર દિવસની શરૂઆત હશે. આ કારણોસર ચંદ્ર પર સોફ્ટ લેન્ડિંગ માટે 23 ઓગસ્ટ તારીખ નક્કી કરવામાં આવી છે, જેથી રિસર્ચમાં કોઈપણ પ્રકારની સમસ્યા ના આવે. દિવસના અજવાળામાં ઈસરો ચંદ્રના સારા ફોટોઝ મેળવી શકશે. પ્રોપલ્શન લેન્ડર અને લેન્ડર મોડ્યુલ ચંદ્રયાનના મુખ્ય ભાગ છે. લેન્ડર મોડ્યુલમાં લેન્ડર વિક્રમ અને રોવર પ્રજ્ઞાન છે. રોવર પ્રજ્ઞાન વિક્રમમાં બેસીને ચંદ્રની ચારે તરફ ફરી રહ્યું છે. 17 ઓગસ્ટના રોજ પ્રોપલ્શન લેન્ડરથી અલગ થયા પછી લેન્ડર વિક્રમ ચંદ્ર તરફ આગળ વધી રહ્યું છે. 

ચંદ્રયાન-3 ચંદ્રની માટીનું સેમ્પલ એકત્ર કરશે
23 ઓગસ્ટના રોજ લેન્ડર વિક્રમ ચંદ્રની સપાટી પર લેન્ડ કરશે. તે સમયે રોવર પ્રજ્ઞાન ચંદ્ર પર ઉતરશે અને મિશન શરૂ થશે. રોવર ચંદ્ર પરની માટી તથા અન્ય વસ્તુઓના સેમ્પલ એકત્ર કરશે. રોવર અજવાળામાં કામ કરી શકે, તે માટે 23 ઓગસ્ટનો દિવસ પસંદ કરવામાં આવ્યો છે. દિવસે કામ કરવા માટે ચંદ્રયાનને યોગ્ય ઊર્જા પણ મળી રહેશે.