મિશન ચંદ્રયાન-2 / આજે રાતે ચંદ્ર પર પગ મુકશે ભારત, 70 બાળકો સાથે LIVE નિહાળશે PM મોદી

• 6-7 સપ્ટેમ્બરની રાતે 1-30 થી 2-30 વચ્ચે થશે લેન્ડિંગ
• મિશનનું સૌથી કઠિન સમય 1471 કિલોના 'વિક્રમ'નું લેન્ડિંગ
• અત્યાર સુધીમાં અમેરિકા, રશિયા અને ચીન જ પોતાના યાન ઉતારી શક્યું છે

ભારત સહિત દુનિયાની નજર આ મિશન પર રહેલી છે. 1471 કિલોનું લેન્ડર 'વિક્રમ' સોફ્ટ લેન્ડિંગ કરવામાં સફળ રહેશે તો આવું કરનાર ભારત ચોથો દેશ બની જશે. 

બેંગ્લોર ખાતે આવેલ ISROમાં વૈજ્ઞાનિકો લેન્ડિંગની તૈયારીની આખરી ઓપ આપી રહ્યાં છે. વડાપ્રધાન નરેન્દ્ર મોદી ઇસરો પર 70 સ્કૂલના બાળકો સાથે સોફ્ટ લેન્ડિંગનું સીધુ પ્રસારણ જોશે. 

ચંદ્રયાન-2નું લેન્ડર વિક્રમ શનિવારે વહેલી સવારે ચંદ્રની સપાટ પર ઐતિહાસિક સોફ્ટ લેન્ડિંગ કરવા માટે તૈયાર છે. ભારતનું આ બીજું ચંદ્ર મિશન ચંદ્રના અત્યાર સુધી ન જોયેલા દક્ષિણ ધ્રુવ ક્ષેત્રના રહસ્યોને સામે લાવી શકે છે. ચંદ્ર પર સોફ્ટ લેન્ડિંગએ ભારત માટે સૌથી મોટો પડકાર છે.

ISROએ આ પૂર્વે ક્યારેય આ પ્રક્રિયાને અંજામ આપ્યું નથી. ઈસરોનું માનીએ તો ચંદ્રનો દક્ષિણ ધ્રુવ ઘણો રસપ્રદ છે. કારણ કે તે ઉત્તર ધ્રુવના મુકાબલે ઘણો મોટો છે. આ દક્ષિણ ધ્રુવ અંધકારમાં ડૂબેલો રહે છે. ચંદ્ર પર સ્થાયી રૂપે અંધકાર વાળા ક્ષેત્રમાં પાણી હોવાની સંભાવના છે.

આ ઉપરાંત ચંદ્ર પર મોટો ખાડા છે જ્યાં ક્યારેય પણ તડકો  પહોંચતો નથી. જેને કોલ્ડ ટ્રેપ કહેવામાં આવે છે. પૂર્વના સૌર મંડળના જીવાશ્મ રેકોર્ડનું અસ્તિત્વ છે. ચંદ્રયાન-2ના લેન્ડર વિક્રમને શુક્રવાર અને શનિવારની મધ્ય રાત્રીએ એકથી બે વાગ્યા સુધીમાં ચંદ્રની સપાટી પર ઉતરશે. સોફ્ટ લેન્ડિંગ ઘણી જરૂરી છે.
 

ISRO: The soft landing of #Chandrayaan2 Vikram lander on lunar surface is scheduled between 1:30 am to 2:30 am on Saturday, September 07, 2019. This will be followed by the Rover roll out between 5:30 am to 6:30 am. pic.twitter.com/GCGYrYlohv

— ANI (@ANI) September 6, 2019

જેમાં લેન્ડરને આરામથી ધીરે ધીરે તેની સપાટી પર ઉતારવામાં આવે છે. જેથી લેન્ડર અને રોવર ઉપરાંત તેની સાથે લાગેલા અન્ય ઉપકરણ સુરક્ષિત રહી શકે. લેન્ડરનું ચંદ્ર પર ઉતરાણ થયા બાદ 7 સપ્ટેમ્બરે સવારે સાડા પાંચ વાગ્યા બાદ રોવર પ્રજ્ઞાન બહાર નિકળશે અને વૈજ્ઞાનિકો પ્રયોગ શરૂ કરશે.