દિવાળી પછી થયેલા સૂર્ય ગ્રહણ બાદ હવે ચંદ્રગ્રહણ થવા જઇ રહ્યું છે. 15 દિવસની અંદર 2 ગ્રહણ થવાથી લોકોના જીવનથી લઇને દેશ-દુનિયા સુધી મોટી અસર પડશે.
15 દિવસની અંદર થશે બીજુ ગ્રહણ
લોકોના જીવનથી લઇને દેશ-દુનિયા સુધી મોટી અસર પડશે
8 નવેમ્બરે થશે ચંદ્ર ગ્રહણ
વર્ષનુ બીજુ અને છેલ્લુ ચંદ્ર ગ્રહણ 8 નવેેમ્બરે થશે
વર્ષનુ બીજુ અને છેલ્લુ ચંદ્ર ગ્રહણ 8 નવેેમ્બરે દેવ દિવાળીના દિવસે થઇ રહ્યું છે. હિન્દુ ધર્મ અને જ્યોતિષમાં ગ્રહણને શુભ માનવામાં આવ્યું નથી. જ્યારે આ વર્ષે એવો સંયોગ બન્યો છે કે આશરે 15 દિવસની અંદર બે ગ્રહણ લાગી રહ્યાં છે. દિવાળીના એક દિવસ બાદ 25 ઓક્ટોબરે સૂર્ય ગ્રહણ હતુ અને હવેે 8 નવેમ્બરે ચંદ્ર ગ્રહણ થવાનુ છે.
પૂનમની રાત્રે થાય છે ચંદ્ર ગ્રહણ
ચંદ્ર ગ્રહણ ત્યારે થાય છે, જ્યારે પૂનમની રાત્રે સૂર્ય, ચંદ્ર અને પૃથ્વી એક જ રેખામાં હોય છે. પૃથ્વીની વચ્ચે રહેવાથી તેની છાયા ચંદ્ર પર પડે છે, જે ક્યારેક-ક્યારેક તેને એક આકર્ષક લાલ રંગ આપે છે. તો ઘણી વખત આ ચંદ્રને ઢાંકી દે છે. આગામી 8 નવેમ્બરે પણ આવી ઘટના થશે. આની પહેલા પણ આ વર્ષે 15મેએ એક ચંદ્ર ગ્રહણ થઇ ચૂક્યુ છે. હવે 8 નવેમ્બરે ચંદ્ર ગ્રહણનુ બીજુ ચંદ્ર ગ્રહણ અને છેલ્લુ ગ્રહણ થશે. સંયોગથી આ દિવસે દેવ દિવાળી પણ છે. દેવ દિવાળી કારતક મહિનાની પૂનમે મનાવવામાં આવે છે, આ દિવસે મંદિરોમાં વિશેષ સજાવટ કરવામાં આવે છે.
ભારતમાં દેખાશે ચંદ્ર ગ્રહણ?
8 નવેમ્બરે થનારું ચંદ્ર ગ્રહણ ભારતના મોટાભાગના વિસ્તારોમાં નહીં દેખાય. એવામાં ગ્રહણનો સૂતક કાળ પણ પ્રભાવિત નહીં થાય. આ ઉપચ્છાયા ગ્રહણ છે અને તેનો સૂતક કાળ માન્ય હોતો નથી. આ ગ્રહણ મંગળવારે 8 નવેમ્બરે ભારતીય સમય મુજબ સાંજે 5 વાગ્યેેને 32 મિનિટે શરૂ થશે અને સાંજે 6 વાગ્યેને 18 મિનિટે સમાપ્ત થશે. આ ચંદ્ર ગ્રહણ દેશના માત્ર પૂર્વ વિસ્તારમાં દેખાશે. જેમાં કોલકત્તા, સિલીગુડી, પટના, રાંચી, ગુવાહાટી વગેરેનો સમાવેશ થાય છે. આ ઉપરાંત કાઠમંડૂ, ટોક્યો, મનીલા, બીજિંગ, સિડની, જકાર્તા, મેલબર્ન, સેન ફ્રાન્સિસ્કો, વોશિંગ્ટન ડીસી, ન્યુયોર્ક શહેર, લોસ એન્જેલસ, શિકાગો અને મેક્સિકો સિટીમાં ચંદ્ર ગ્રહણ દેખાશે.