ચંડીગઢ મ્યુનિસપિલ કૉર્પોરેશન ચૂંટણીનાં પરિણામોમાં આમ આદમી પાર્ટીએ કર્યો કમાલ, ભાજપે સત્તા ગુમાવી, કોંગ્રેસનો રકાસ.
ચંડીગઢ નગર નિગમનાં પરિણામો જાહેર
આમ આદમી પાર્ટી સૌથી મોટી પાર્ટી બની
ભાજપે 15 વર્ષ બાદ ગુમાવી સત્તા
કોઈ પાર્ટીને સ્પષ્ટ બહુમતી મળી નહીં
પંજાબમાં આપનું ટ્રેલર?
વર્ષ 2022માં પંજાબમાં વિધાનસભા ચૂંટણી થવા જઈ રહી છે ત્યારે આ ચૂંટણી પહેલા ચંડીગઢ મ્યુનિસિપલ કોર્પોરેશનની ચૂંટણીમાં ભાજપ અને કોંગ્રેસ માટે ખતરાની ઘંટી વાગી ગઈ છે. અરવિંદ કેજરીવાલની આમ આદમી પાર્ટી સૌથી મોટી પાર્ટી બનીને ઊભરી છે અને એવામાં માનવામાં આવી રહ્યું છે કે આ પરિણામો પંજાબ ચૂંટણીનું ટ્રેલર છે.
Chandigarh MC elections update
AAP:14
BJP:11
Cong:8
SAD:1
Out of 35 seats results of 34 declared.
બપોરે 2 વાગ્યા સુધીના પરિણામો, કમળ અને પંજા પર ઝાડૂ ફરી વળ્યું
ચંડીગઢમાં કુલ 35 સીટો છે જેમા તમામ બેઠકો પર પરિણામો આવી ગયા છે. આ પરિણામોમાં આમ આદમી પાર્ટી સૌથી મોટી પાર્ટી બની છે, ભાજપ બીજા નંબર પર છે. આદમી પાર્ટી 14, ભારતીય જનતા પાર્ટી 12 જ્યારે કોંગ્રેસ 8 અને અકાલી દળને 1 સીટ પર જીત મળી છે. આ પરિણામોને પંજાબની ચૂંટણીની સાથે જોડીને જોવામાં આવી રહ્યા છે. આપ નેતાઓ પણ કહી રહ્યા છે કે હવે 2022માં સરકાર પાક્કી જ સમજો.
સર્વેમાં પણ આપ સૌથી આગળ
નોંધનીય છે કે હાલમાં જ ABP-C વોટરનો એક સર્વે સામે આવ્યો છે જેમા 32 ટકા વોટ સાથે આમ આદમી પાર્ટી સૌથી મોટી પાર્ટી બની રહી છે. એવામાં અરવિંદ કેજરીવાલ વિધાનસભા ચૂંટણીમાં કોઈ મોટો કમાલ કરી શકે છે.
ભાજપના મેયરને પણ AAPએ હરાવ્યું
ભારતીય જનતા પાર્ટીના મેયર રવિકાંતને આમ આદમી પાર્ટીના દમનપ્રીતે મહાત આપી હતી.