VIRAL / માત્ર 100 રૂપિયામાં આપ બચી શકશો મસમોટા દંડથી, ચલાણથી બચવા ખુદ પોલીસકર્મીએ જ આપી ટિપ્સ

• મોટર વ્હીકલ એક્ટ અંતર્ગત દેશભરમાં ટ્રાફિકનાં નવા નિયમ 1 સપ્ટેમ્બરથી લાગુ
• 15 દિવસની અંદર RTO ઓફિસે જઇ દેખાડી શકો છો તમામ ડોક્યુમેન્ટ્સ

હરિયાણા પોલીસનાં એક જવાનનો વીડિયો હાલમાં ખૂબ સોશિયલ મીડિયામાં વાયરલ થઇ રહ્યો છે. જેમાં તે જણાવી રહ્યો છે કે ચલાણ કપાયા બાદ કેવી રીતે વધારે રૂપિયા આપીને બચી શકાય અને એ પણ માત્ર 100 જ રૂપિયા આપીને ટ્રાફિક દંડથી છુટકારો મળી શકે. આ વીડિયો સોશિયલ મીડિયા પર ખૂબ શેર થઇ રહ્યો છે.

જો આપની પાસે હશે તમામ ડોક્યુમેન્ટ્સ તો બચવાનો આ છે અનોખો ઉપાય

હરિયાણા (Haryana) પોલીસમાં પોલીસકર્મી સુનીલ સંધૂએ ફેસબુક પર લાઇવ કરવામાં આવેલા એક વીડિયોમાં જણાવ્યું કે, જાગરૂકતામાં ઉણપને કારણ લોકો ચલાણનાં વધારેમાં વધારે રૂપિયા ભરી રહ્યાં છે.

સુનીલનું કહેવું એમ છે કે,

'ચલાણ કપાયા બાદ 15 દિવસની અંદર જો RTO ઓફિસ પાસે જઇને આપ તમામ ડોક્યુમેન્ટ્સ દેખાડી શકો છો. ત્યાર બાદ ડોક્યુમેન્ટ્સ સાથે ન લઇ જવા પર તેની પર માત્ર 100 રૂપિયાનો પ્રતિ ડોક્યુમેન્ટ્સનો દંડ લગાવવામાં આવશે.'

ફોન, ચાર્જર નથી ભૂલતા તો હેલ્મેટ કેમ ભૂલાય?: સુનીલ સંધૂ

સુનીલે જણાવ્યું કે અનેક વાર લોકોની પાસે ડોક્યુમેન્ટ્સ હોય છે પરંતુ ઘટનાસ્થળે દંડ ભરતી વેળાએ તેઓ સાથે લઇને ના ગયા હોવાને કારણ તેમનું ચલાણ કપાય છે. જેથી જો એવાં સમયે આપની પાસે ડોક્યુમેન્ટ્સ ના હોય તો બાદમાં 100 રૂપિયા પ્રતિ ડોક્યુમેન્ટ્સ આપીને આપ પોતાની ગાડી લઇ જઇ શકો છો. જો કે વગર હેલ્મેટે આપ ટુવ્હીલર ચલાવતા હશો અથવા તો વગર સીટબેલ્ટ બાંધી આપ ફોરવ્હીલર ચલાવતા હશો તો તેનો દંડ અલગથી લાગશે.

એટલું જ નહીં સુનીલે હજી કેટલીક મહત્વની વાતો જણાવી છે. સુનીલનું કહેવું એમ છે કે આપણે ફોન, ચાર્જર અને પાવર બેંક સાથે લઇને ચાલવાનું નથી ભૂલતા પરંતુ હેલ્મેટ અને ગાડીનાં ડોક્યુમેન્ટ્સ ભૂલી જઇએ છીએ. સુનીલે એમ પણ કહ્યું કે, જો કોઇ આપની પાસે લાંચ માંગે છે તો આપ તેનો વીડિયો બનાવો જેથી તેની વિરૂદ્ધ કાર્યવાહી કરવામાં આવશે.