Coronavirus / કેન્દ્ર સરકારનો કોરોનાને લઇને રાજ્યોને આદેશ, કડક રીતે લાગુ થાય લૉકડાઉન, બોર્ડર પૂર્ણ રીતે સીલ કરાય

• કેન્દ્ર સરકારે રાજ્યોને કડકાઇથી લૉકડાઉનનું પાલન કરાવવાનો નિર્દેશ આપ્યો
• લૉકડાઉન લાગૂ કરાવવું જિલ્લાના ડીએમ અને એસપીની જવાબદારી : કેન્દ્ર સરકાર

કેન્દ્રે કહ્યું છે કે રાજ્ય અને જિલ્લાની બોર્ડર પૂર્ણ રીતે સીલ કરવામાં આવે, જેથી એક રાજ્યથી બીજા રાજ્યમાં અને એક જિલ્લાથી બીજા જિલ્લામાં લોકોની મુવમેન્ટ ન થઇ શકે. હાઇવે પર કોઇની પણ મુવમેન્ટ ન થવા દેવામાં આવે. રસ્તાઓ પર માત્ર સામાન લઇ જતી ગાડીઓની અવર-જવરને મંજૂરી રહેશે. કેન્દ્રે કહ્યું છે કે લૉકડાઉન લાગૂ કરાવવું જિલ્લાના ડીએમ અને એસપીની જવાબદારી છે. 

કડક રીતે થાય લૉકડાઉનનું પાલન

લૉકડાઉનનું કડક રીતે પાલન કરાવવા માટે 29 માર્ચે કેન્દ્ર સરકાર દ્વારા ઘણા મહત્વપૂર્ણ પગલા ઉઠાવવામાં આવ્યા છે. કેદ્ર સરકારે તમામ રાજ્ય સરકારોને કહ્યું કે લૉકડાઉનનું કડક રીતે પાલન કરાવવામાં આવે. તમામ રાજ્યો અને કેન્દ્ર શાસિત પ્રદેશના ડીજીપી અને ચીફ સેક્રેટરીની તરફથી કહેવામાં આવ્યું છે કે જરૂરી વસ્તુઓની સપ્લાઇ હાલ પુરતી આયોજીત રીતે સામાન્ય જનતા સુધી પહોંચાડવામાં આવે. 

કેન્દ્ર સરકારની તરફથી તમામ જિલ્લાના ડીએમ અને એસપીને નિર્દેશ આપવામાં આવ્યા છે કે લૉકડાઉનનું કડક રીતે પાલન કરાવવામાં આવે, સાથે જરૂરી સામગ્રીની અછત ન સર્જાય તેનું ધ્યાન રાખવામાં આવે. કેબિનેટ સચિવ અને ગૃહ મંત્રાલય રાજ્યના મુખ્ય સચિવોના સતત સંપર્કમાં છે અને સ્થિતિ પર દેખરેખ રાખવામાં આવી રહી છે.