IPLIN
 
  • Home
  • India
  • Central government's major action on Manipur violence, peace committee formed, governor made chairman

Manipur violence / મણિપુર હિંસા મામલે કેન્દ્ર સરકારની મોટી કાર્યવાહી, શાંતિ સમિતિની કરવામાં આવી રચના, રાજ્યપાલને બનાવાયા અધ્યક્ષ

Team VTV 03:41 PM, 10 Jun 23
Follow us
Central government's major action on Manipur violence, peace committee formed, governor made chairman

કેન્દ્ર સરકાર દ્વારા રચવામાં આવેલી શાંતિ સમિતિમાં ભૂતપૂર્વ વહીવટી અધિકારીઓ, શિક્ષણવિદો, સાહિત્ય જગત સાથે સંકળાયેલા લોકો, કલાકારો, સામાજિક કાર્યકરો અને વિવિધ વંશીય જૂથોના લોકોને સામેલ કરવામાં આવ્યા છે.

  • મણિપુરમાં હિંસા રોકવા માટે સરકારે શાંતિ સમિતિની રચના કરી
  • રાજ્યના રાજ્યપાલને શાંતિ સમિતિના અધ્યક્ષ બનાવવામાં આવ્યા
  • મણિપુરના મુખ્યમંત્રી સહિત અનેક મંત્રીઓનો સમાવેશ કરાયો

કેન્દ્ર સરકાર વંશીય હિંસાથી પીડિત ઉત્તર પૂર્વ રાજ્ય મણિપુરમાં શાંતિ માટે સતત પ્રયાસો કરી રહી છે. હવે કેન્દ્ર સરકારે રાજ્યમાં શાંતિ સ્થાપવા માટે શાંતિ સમિતિની રચના કરી છે. રાજ્યના રાજ્યપાલને આ શાંતિ સમિતિના અધ્યક્ષ બનાવવામાં આવ્યા છે. મણિપુરના મુખ્યમંત્રી એન બિરેન સિંહ, રાજ્ય સરકારના કેટલાક મંત્રીઓ અને વિવિધ રાજકીય પક્ષોના નેતાઓનો પણ સમાવેશ કરવામાં આવ્યો છે. ગૃહ મંત્રાલયે આ માહિતી આપી છે.

જેમાં સમાજના વિવિધ વર્ગના લોકો જોડાયા હતા

કેન્દ્ર સરકાર દ્વારા રચવામાં આવેલી શાંતિ સમિતિમાં ભૂતપૂર્વ વહીવટી અધિકારીઓ, શિક્ષણવિદો, સાહિત્ય જગત સાથે સંકળાયેલા લોકો, કલાકારો, સામાજિક કાર્યકરો અને વિવિધ વંશીય જૂથોના લોકોને સામેલ કરવામાં આવ્યા છે. આ શાંતિ સમિતિ વિવિધ વંશીય સંગઠનો સાથે વાત કરશે. જ્યારે તે સંઘર્ષ કરી રહેલા લોકો વચ્ચે શાંતિપૂર્ણ સંવાદને પ્રોત્સાહન આપશે. ગૃહ મંત્રાલયે કહ્યું કે શાંતિ સમિતિ સામાજિક સમરસતા અને ભાઈચારો વધારવાનો પણ પ્રયાસ કરશે, જેથી વિવિધ વંશીય જૂથો વચ્ચે સૌહાર્દપૂર્ણ સંવાદ થઈ શકે.

અમિત શાહે જાહેરાત કરી હતી

તમને જણાવી દઈએ કે મણિપુરમાં છેલ્લા એક મહિનાથી હિંસાનો દોર ચાલી રહ્યો છે. આ હિંસામાં અત્યાર સુધીમાં લગભગ 100 લોકોના મોત થયા છે, જ્યારે 300થી વધુ લોકો ઘાયલ થયા છે. હિંસા પર કાબૂ મેળવવા માટે સ્થાનિક પોલીસની સાથે ભારતીય સેના અને બીએસએફના જવાનોને પણ તૈનાત કરવામાં આવ્યા છે. ભૂતકાળમાં કેન્દ્રીય ગૃહ પ્રધાન અમિત શાહ પણ મણિપુર ગયા હતા અને લગભગ ચાર દિવસ રાજ્યમાં રહ્યા હતા. આ દરમિયાન અમિત શાહે રાજ્યમાં શાંતિ માટે શાંતિ સમિતિ બનાવવાની વાત કરી હતી.
 

Centralgovernment Majoraction Manipurviolence peace Committee formed Governor chairman
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ