કોરોના વેક્સિન / એક જ વ્યક્તિ લઈ શકશે કોરોનાની 2 અલગ વેક્સિનના ડોઝ, કેન્દ્રએ પરીક્ષણની આપી મંજૂરી

• કેન્દ્રએ પરીક્ષણની આપી મંજૂરી
• એક જ વ્યક્તિ લઈ શકશે કોરોનાની 2 અલગ વેક્સિનના ડોઝ
• કોવિશિલ્ડ અને કોવેક્સિનના મિક્સિંગ પર સ્ટડી કરવાની મંજૂરી મળી

ગુરુવારે મોડી રાત સુધી ચાલી રહેલી વિશેષજ્ઞ કાર્ય સમિતિની બેઠકમાં કોવિશિલ્ડ અને કોવેક્સિન અને તેના સિવાય નાકથી અપાતી ભઆરત બાયોટેકની વેક્સિન અને સીરિંજથી અપાતી કોવેક્સિનની મિશ્રિત ડોઝ પર સ્ટડી કરવાની મંજૂરી આપવામાં આવી છે. જલ્દી દેશની હોસ્પિટલોમાં રિસર્ચ શરૂ કરાશે.  

અનેક દેશમાં એક જ વ્યક્તિને અપાઈ રહી છે અલગ અલગ વેક્સિન
કોવિશિલ્ડ અને કોવેક્સિનના મિશ્રિત ડોઝનું પરીક્ષણ સમિતિના એક વરિષ્ઠ સભ્યએ કહ્યું કે એક જ વ્યક્તિને 2 અલગ અલગ વેક્સિન અનેક દેશમાં અપાઈ રહી છે. ભારતમાં  કેટલાક દિવસો પહેલા યૂપીમાં એક ઘટના સામે આવી જેને બેદરકારી માનવામાં આવી રહી છે કેમકે વેક્સિન કાર્યક્રમમાં મિશ્રિત ડોઝને સામેલ કરાયો નથી. તેઓએ કહ્યું કે વેલ્લોરના વિશેષજ્ઞથી મિશ્રિત ડોઝ લેવાનો પ્રસ્તાવ મળ્યો છે.  પરંતુ તેની પર રિસર્ચની અનુમતિ અપાઈ છે. આશા છે કે તેના સારા પરિણામ મળે અને સાથે તેમાં 3-4 મહિનાનો સમય લાગી શકે છે.  

 
મિશ્રિત ડોઝથી કોઈ નકારાત્મક પરિણામ મળ્યું નથી
કોવિશિલ્ડ અને કોવેક્સિનના મિશ્રિત ડોઝની કોઈ પ્રતિકૂળ અસર જોવા મળી નથી. યૂપીની ઘટનામાં એવો કોઈ કેસ આવ્યો નથી. પણ શક્યતા છે કે કોરોના વાયરસ અને એડિનો વાયરસની બનેલી અલગ અલગ વેક્સિન એક શરીરમાં જઈને સમાન અસર કરે. તેઓએ કહ્યું કે વેલ્લોરના ડોક્ટરોએ આ મિશ્રિત ડોઝને લઈને રિસર્ચ કરવાની મંજૂરી માંગી છે. આ સમયે નાકથી અપાતી વેક્સિનને પણ સામેલ કરાશે જેથી બાળકોના વેક્સિનેશનમાં પણ ઝડપ લાવી શકાય. તેની પર પણ પહેલા તબક્કાનું પરીક્ષણ ચાલી રહ્યું છે.