સવારે મળેલી કેન્દ્રીય કેબિનેટની બેઠકમાં સરકારે કાશ્મીર સહિતના મુદ્દાઓ પર મહત્વપૂર્ણ નિર્ણયો લીધા છે. આ સાથે જ ખેડૂતો અને વિદ્યાર્થીઓના લાભ માટે સબસિડી અને યોજનાની જાહેરાત કરી છે. કેન્દ્રીય મંત્રી પીયૂષ ગોયલ અને પ્રકાશ જાવડેકરે પ્રેસ કોન્ફરન્સ કરી હતી.
દેશમાં 75 નવી મેડિકલ કોલેજ
કેન્દ્રીય મંત્રી પ્રકાશ જાવડેકરે વિદ્યાર્થીઓ માટે દેશમાં નવી 75 મેડિકલ કોલેજની મંજૂરી આપી છે. કેન્દ્ર સરકાર 24,000 કરોડના ખર્ચે 75 નવી મેડિકલ કોલેજ શરૂ કરશે. જેમા 15,700 જેટલા ડૉક્ટરો સેવા બજાવશે. જાવડેકરના કહેવા મુજબ, ગત પાંચ વર્ષમાં 45,000 પીજી (પોસ્ટ ગ્રેજ્યૂએશન) સીટો વધારાઇ હતી. જ્યારે આવનાર પાંચ વર્ષમાં 75 નવી મેડિકલ કોલેજ શરૂ કરાશે.
Union Minister Prakash Javadekar: The Cabinet has approved 75 new medical colleges, to be established by 2021-22. This is a move to add 15,700 MBBS seats in the country. pic.twitter.com/UUsPnxEDtJ
મોદી સરકારે શેરડી પકવતા ખેડૂતો માટે મોટી સબસિડીની જાહેરાત કરી છે. સરકારના કહેવા મુજબ, 60 લાખ મેટ્રિક ટન શેરડી ચીનમાં નિકાસ કરાશે. જેમાં કેન્દ્ર સરકાર 6268 કરોડ રૂપિયાની સબસિડી આપશે. આ સબસિડી સીધી જ ખેડૂતોના ખાતામાં જમા થશે.
ડિજિટલ મીડિયામાં 26 ટકા FDIની મંજૂરી
સરકારે ડિજિટલ ઇન્ડિયા પ્રોજેક્ટ અંતર્ગત ડિજિટલ મીડિયા સેક્ટરને પ્રમોશન આપ્યું છે. સરકારે ડિજિટલ મીડિયા સેક્ટરમાં 26 ટકા એફડીઆઇની મંજૂરી આપી છે. આ મંજૂરીથી ડિજિટલ સેક્ટરમાં નવી ક્રાંતિ આવવાની સંભાવના છે.