Mumbai cruise drugs case / શાહરુખની મેનેજર પૂજાની કાર CCTV માં દેખાઈ આવતા નવો ટ્વીસ્ટ, ફસાઈ ગયો આ વ્યક્તિ

• મુંબઇ ક્રૂઝ ડ્રગ્સ કેસમાં નવો વળાંક 
• શાહરુખ ખાનની મેનેજર પૂજા દદલાનીની મર્સિડીઝ કારનો ઉલ્લેખ
• ત્રીજી ઓક્ટોબરે લોર પરેલમાં મળ્યા હોવાનો દાવો 

મુંબઇ ક્રૂઝ ડ્રગ્સ કેસમાં નવો વળાંક 

મુંબઇ ક્રૂઝ ડ્રગ્સ કેસ સાથે જોડાયેલી મોટી જાણકારી સામે આવી છે. NCB ના સાક્ષી પ્રભકાર સૈલે પોતાની કબૂલાત દરમિયાન અભિનેતા શાહરુખ ખાનની મેનેજર પૂજા દદલાનીની મર્સિડીઝ કારનો ઉલ્લેખ કર્યો હતો. અને હવે આ અંગેનો સજ્જડ પુરાવો એક સીસીટીવી તરીકે મળ્યો છે. મુંબઈની લોઅર પરેલ પાસે પોલીસને સીસીટીવી ફૂટેજ મળી છે. 

 પોલીસે કહ્યું હતું કે પૂજા દદલાનીની કાર દેખાઈ હતી પરંતુ ફૂટેજમાં જે મહિલા જોવા મળી રહી છે તે પૂજા જ છે તે બાબતની પુષ્ટિ થઈ શકી નથી. ઉલ્લેખનીય છે કે આયર્ન ખાનને છોડાવવાના બદલામાં વસૂલીના આરોપ પ્રભાકર સૈલ દ્વારા લગાવવામાં આવ્યા છે જેની તપાસ એસાઇટી કરી રહી છે. 

NCB ના સાક્ષી રહી ચૂકેલા ગોસાવીએ શાહરુખ ખાનની મેનેજર પૂજા દદલાનીને પૈસાના બદલામાં આર્યનની ધરપકડ રોકવાનો ભરોસો અપાવ્યો હતો. માટે આ મામલે સીટ દ્વારા ગોસાવી વિરુદ્ધ કેસ નોંધાવવામાં આવી શકે છે. કારણ કે તે ડ્રગ્સ કેસમાં સાક્ષી પણ છે અને સાથે તેની એસયુવી કાર પાછળ પોલીસ લખેલું પણ છે.

હવે પોલીસ એ તપાસ કરી રહી છે કે શું ગોસાવીએ પોતાને NCB અધિકારી જ કહ્યો હતો કે નહીં. એસાઇટી આ મામલે પૂજા દદલાનીનું નિવેદન પણ નોંધ્યું હતું. 

પ્રભાકર સૈલ દ્વારા દાવો કરવામાં આવ્યો હતો કે એનસીબીની કાર્યવાહી બાદ શાહરુખ ખાનની મેનેજર પૂજા દદલાની અને ગોસાવી ત્રીજી ઓક્ટોબરે લોર પરેલમાં સેમ ડિસુઝામાં મળ્યા હતા અને તેણે દાવો કર્યો હતો પછી પોલીસે આ વિસ્તારની સીસીટીવી ફૂટેજ ચેક કરતાં બ્લૂ મર્સિડીઝ દેખાઈ હતી અને ગોસાવી તથા ડિસુઝાની એસયુવી પણ મળી હતી. સીસીટીવી ફૂટેજમાં એક મહિલા મર્સિડીઝમાંથી બહાર આવતી દેખાઈ હતી જેણે ગોસાવી સાથે વાતચીત કરી હતી અને પછી બંને મહિલાની કારમાં બેઠા હતા અને નીકળી ગયા હતા. ફૂટેજમાં દેખાઈ રહેલી મહિલા કોણ છે એ વાતની પુષ્ટિ થઈ શકી નથી. 

સૈલે દાવો કર્યો હતો કે લોઅર પરેલની બેઠક બાદ તેમણે ગોસાવીને તેના વાશી સ્થિત ઘરે ઉતાર્યા હતા. ગોસાવીએ સૈલને હોટલ ટૈરેડોની બહાર પૈસા લેવા માટે  પણ કહ્યું હતું. આ દરમિયાન એક માણસ બહાર આવ્યો હતો જેની પાસે બે બેગ હતા તેણે તે આપ્યા બાદ હોટલ ટ્રાઈડન્ટમાં ડિસુઝા પાસે લઈ ગયા હતા. જ્યાં તેણે પૈસા ગણ્યા હતા અને કહ્યું હતું કે આ માત્ર 38 લાખ છે અને અઅ વાતનો ઉલ્લેખ પણ કબૂલાતમાં કરવામાં આવ્યો હતો. સૈલના દાવા અનુસાર તેણે એવી વાતચીત સાંભળી હતી જેમાં ગોસાવી અને બીજા કેટલાક માણસો એવી વાત કરી રહ્યા હતા કે 25 કરોડની માંગ કરવામાં આવી છે જેમાં સમીર વાનખેડેને 8 કરોડ રૂપિયા આપવાના થાય છે. 

આ મામલે રોજ નવા ખુલાસા થઈ રહ્યા છે અને કેસ વધારેને વધારે ગૂંચવાઈ રહ્યો છે ત્યારે હવે આગળ શું બને છે તે તો સમય જ કહેશે.