વલસાડઃ ઝડપની મજા ભારે પડતી હોવાનો વધુ એક બનાવ વલસાડમાં બન્યો છે. વલસાડના તિથલ રોડ નજીકનો અકસ્માત CCTVમાં કેદ થયો હતો. ગેલેક્સી સેન્ટર નજીક સ્કુટર પુરઝડપે કાર પાછળ ઘુસતા આ અકસ્માત સર્જાયો હતો. કાર વળાંક લેતી વખતે સ્કુટર પાછળથી અથડાતા સ્કુટર ચાલક ફંગોળાયો હતો. જોકે સદનસીબે ઘટનામાં કોઈ જાનહાની થઈ નથી.
તમે વીડિયોમાં જોઇ શકો છો કે એક કાર પોતાની સાઇડ પર છે અને ધીરે ધીરે તે વળાંક લેવા માટે ચાલે છે. અને કાર થોડી ચાલે છે ત્યાં રોડ પર પુરપાટ ઝડપે આવતું બાઇક કારના આગળના ભાગમાં અથડાય છે. જ્યારબાદ બાઇક અને બાઇક ચાલક બન્ને હવામાં ફંગોળાય છે અને ગુલાંટ મારી જાય છે. કાર બ્રેક મારી દે છે.
જોવાનું એ છે કે બાઇક ચાલક બાઇક અથડાયા બાદ ફંગોળાઇ ગુલાંટ મારીને અને તરત હેમખેમ ઉભો થઇ જાય છે. ત્યારે આ બાઇક ચાલક સદનસીબે બચી ગયો. આવી ઘટનામાં ભાગ્યે જ કોઇ બચી જાય છે. ત્યારે આ અકસ્માતમાં કોની ભૂલ એતો તપાસ બાદ ખ્યાલ આવે. ત્યારે લોકોની બેદરકારી કોઇનો ભોગ લઇ શકે છે. ત્યારે વીટીવી વાહનને યોગ્યરીતે અને મધ્યમ ગતીએ ચલાવવાની સલાહ આપે છે.