વડોદરા: બિલ્ડરનું કારમાં સળગી જવાનો મામલો પોલીસે પરિવારના લીધા નિવેદન

વડોદરામાં બિલ્ડર મિહીરની કારમાં આગ લાગવાના મામલે પોલીસે તપાસ શરૂ કરી છે.. પોલીસે બિલ્ડર મિહીરના પરિવારજનોના નિવેદન લીધા છે.

આજે FSLનો રિપોર્ટ આવી શકે છે. FSLના રિપોર્ટ બાદ સત્ય બહાર આવી શકશે. આ સાથે જ પોલીસે મિહીરના ઘરની નિકળતા CCTV પણ મેળવ્યા હતા. આ ઉપરાંત પોલીસે મિહીરના કોલ ડિટેલ્સ મંગાવીને કાર્યવાહી શરૂ કરી છે.

વડોદરાના બીલ્ડર મિહીર પંચાલનું કારમાં આગ લાગતા મોત થતા અનેક સવાલો ઉભા થયા હતા. લાખો રૂપિયા ખર્ચયા બાદ પણ કારમાં સેફ્ટી ન હોવાનું ઉદાહરણ જોવા મળ્યું હતું.





જો કે એફેસેલ રિપોર્ટ બાદ જ સાચી હકીકત સામે આવશે કે અકસ્માત છે કે કાવતરું?. આ અકસ્માત બાદ કાર કંપની અને પોલીસની ટીમે સર્ચ કર્યું હતું.

વડોદરાના બિલ્ડર મિહીર પંચાલના મોતના મામલે તપાસ શરૂ કરાઇ છે. કારમાં આગ લાગવાના મામલે FSLની ટીમ દ્વારા તપાસ શરૂ કરવામાં આવી છે.

FSLની ટીમે ઘટનાસ્થળેથી નમૂના લીધા હતા.  ગત મંગળવારે બિલ્ડર મિહિર પંચાલ ફોર્ડની એન્ડેવર કારમાં સીટ બેલ્ટ ન ખુલતા ફસાયા હતા. ત્યાર બાદ ગાડીમાં આગ લાગવાના કારણે મોત થયુ હતુ. કારમાં આગ લાગવાના વીડિયો પણ સામે આવ્યો હતો.

આ ઘટનામાં પોલીસ હત્યા અને અકસ્માત મુદ્દે તપાસ કરી રહ્યું છે. શોર્ટ સર્કિટના કારણે ગાડીમાં આગ લાગી હોવાનુ પ્રાથમિક અનુમાન છે.