સિદ્ઘિ / ધોની-રોહિત ના કરી શક્યા, તે ભારતીય મહિલા ટીમની કેપ્ટને કરી બતાવ્યુ

• 100 T-20 ઇન્ટરનેશનલ મેચ રમનારી પહેલી ભારતીય બની હરમનપ્રીત
• 100 અથવા તેનાથી વધારે T-20 મેચ રમનારી 10મી મહિલા બની હરમનપ્રીત કૌર 

હરમનપ્રીત સિવાય ન્યૂઝીલેન્ડના સૂજી બેટ્સ અને ઓસ્ટ્રેલિયાની એલિસ પેરીએ 111-111 મેચ રમી છે. આ સિવાય વેસ્ટ ઇન્ડિઝની ડેંડ્રા ડૉટિનના નામે 110 મેચ છે. પાકિસ્તાનની સના મીરે 105 મેચ, ઇંગ્લેન્ડની જેની ગને 104 મેચ, અનીશ મોહમ્મદ (વેસ્ટ ઇન્ડિઝ, 103 મેચ) અલિયા હીલી ઓસ્ટ્રેલિયા (101 મેચ) ના સિવાય પાકિસ્તાનની બિસ્માહ માહરૂક અને વેસ્ટ ઇન્ડિઝની સ્ટેફાની ટેલરે 100-100 મેચ રમી છે. 

A special cap for captain @ImHarmanpreet to mark her 100th T20I for #TeamIndia #INDvSA 🇮🇳🇮🇳👏🇮🇳 pic.twitter.com/Sp6KFUca9o

— BCCI Women (@BCCIWomen) October 4, 2019

ભારત માટે મિતાલી રાજ હરમનપ્રીત પછી સૌથી વધારે 89 મેચ રમી છે. જોકે T-20 ક્રિકેટમાં અત્યારે તે રિટાયર થઇ ચૂકી છે. આ યાદીમાં ઝૂલન ગોસ્વામી 68 મેચની સાથે ત્રીજા સ્થાન પર છે, જ્યારે વેદા કૃષ્ણામૂર્તિએ અત્યાર સુધી 63 મેચ રમી છે. 

હરમનીપ્રીત કૌરે પુરુષ ટીમ માટે સૌથી વધારે T-20 મેચ રમનાર મહેન્દ્ર સિંહ ધોની અને રોહિત શર્માથી 2 મેચ વધારે રમી છે.  રોહિત અને ધોનીએ અત્યાર સુધીમાં 98 ટી-20 રમ્યા છે. જ્યારે ભારતીય કેપ્ટન વિરાટ કોહલીએ 72 T-20 રમ્યો છે. પુરુષ T-20 ઇન્ટરનેશનલ ક્રિકેટમાં સર્વાધિક મેચ રમવાનો રેકોર્ડ પાકિસ્તાનના પૂર્વ કેપ્ટન શોએબ મલિકના નામે છે, તેણે અત્યાર સુધી 111 T-20 મેચ રમી છે.