ગ્રામ પંચાયતની ચૂંટણી / લો બોલો! દાહોદનાં આ ગામમાં સરપંચ પદના ઉમેદવારે ચૂંટણી માટે રાખ્યા 20 બાઉન્સર્સ

• ચૂંટણી જંગમાં લાખો રૂપિયાનો ખર્ચ 
• સરપંચ પદના ઉમેદવારે રાખ્યા 20 બાઉન્સર 
• દાહોદનાં ઝૂસા ગામની ઘટના 

આજે ગુજરાતમાં ગ્રામ પંચાયતની ચૂંટણીઓ યોજાઇ છે. ગુજરાતનાં અમુક ગામડાઓમાં પંચાયતની ચૂંટણીમાં પણ લાખો રૂપિયાનો ખર્ચ થાય છે. 

સરપંચ પદના ઉમેદવારે રાખ્યા 20 બાઉન્સર

દાહોદનાં એક ગામડામાં સરપંચ પદના ઉમેદવારે પોતાની સાથે 20 જેટલા બાઉન્સર રાખ્યા છે. દાહોદનાં સંજેલી તાલુકાનાં ઝૂસા ગામના સરપંચે પોતાનાં રક્ષણ માટે 20 જેટલા બાઉન્સર રાખ્યા છે. 

ગુજરાતનાં અન્ય જિલ્લાઓનાં સાપેક્ષમાં દાહોદ થોડો પછાત જિલ્લો માનવામાં આવતો હતો પરંતુ આ ઘટના બાદ હવે ગુજરાતમાં કોઈ માનવા તૈયાર નથી કે દાહોદ એક પછાત જિલ્લો છે. કારણ કે ઝૂસા જેવા ગામનાં એક સરપંચ પદના ઉમેદવારો પણ હવે બાઉન્સર રાખતા થઈ ગયા છે. 

કોણ છે આ ઉમેદવાર?
ઝૂસા ગામમાં સરપંચ પદના બે ઉમેદવારો છે. તેમાંથી એક ઉમેદવાર માનસિંગભાઈ કાનજીભાઈ રાવતે પોતાના માટે 20 જેટલા બાઉન્સરો રાખ્યા છે. 

 

આ છે કારણ 
ઝૂસા ગામમાં ચૂંટણી જંગ એવો તો જામ્યો છે કે તેમણે કહ્યું હતું કે તેઓને સામે પક્ષેથી ધાક ધમકી આપવામાં આવી રહી છે અને આખી રેટ વાહનો દોડાવવામાં આવી રહ્યા છે. એવા સમયે તેઓને પોતાના ખર્ચે સ્વબચાવ માટે સિક્યોરીટી રાખવાની ફરજ પડી હતી. જો કે તેમણે આ પગલાં બાદ એક સરપંચ પદની ચૂંટણી પાછળ કેટલો ખર્ચ કર્યો હશે તેનો અંદાજ લગાવી શકાય છે. 

ગુજરાતનાં ગામડાઓમાં ચૂંટણીનો જંગ 

રાજ્યમાં ગ્રામ પંચાયત માટે આજે મતદાન થઈ રહ્યું છે.રાજ્યની 8684 ગ્રામ પંચાયત માટે ચૂંટણી યોજાઇ રહી છે જેમા સરપંચ પદ માટે 27 હજાર 200 ઉમેદવારો મેદાને છે. જ્યારે 53 હજાર 507 સભ્ય પદ માટે 1 લાખ 19 હજાર 998 ઉમેદવારો મેદાને છે. 10 હજાર 897 ગ્રામ પંચાયતોની ચૂંટણી જાહેર થઇ હતી. જેમાંથી કુલ 1167 ગ્રામ પંચાયત સંપૂર્ણ બિનહરીફ થઇ છે. કુલ 1 કરોડ 82 લાખ 15 હજાર 13 મતદારો મતાધિકારનો ઉપયોગ કરશે, જેમાં 93 લાખ 69 હજાર 202 પુરુષ મતદારો મતદાન કરશે અને 88 લાખ 45 હજાર 811 મહિલા મતદારો મતદાન કરશે. કુલ 23 હજાર 907 મતદાન મથકો ઉભા કરવામાં આવશે. જેમાં 6656 મતદાન મથકો સંવેદનશીલ અને 3074 મતદાન મથકો અતિ સંવેદનશીલ જાહેર કરાયા છે. ચૂંટણીને લઇને 51 હજાર 747 પોલીસ જવાનો બંદોબસ્ત રહેશે. 2546 ચૂંટણી અધિકારી અને 2827 મદદનીશ ચૂંટણી અધિકારીઓને જવાબદારી સોંપાઇ છે. 

સ્વરાજનો સંગ્રામ

રાજ્યની 8684 ગ્રામ પંચાયતની ચૂંટણી
સરપંચ પદ માટે 27,200 ઉમેદવારો મેદાને
53,507 સભ્ય પદ માટે 1,19,998 ઉમેદવારો મેદાને
10,897 ગ્રામ પંચાયતોની ચૂંટણી જાહેર થઇ હતી
કુલ 1167 ગ્રામ પંચાયત સંપૂર્ણ બિનહરીફ
23,907 મથકો પર મતદાનની વ્યવસ્થા 
6656 મતદાન મથકો સંવેદનશીલ
3074 મતદાન મથકો અતિ સંવેદનશીલ
51,747 પોલીસ જવાનો બંદોબસ્તમાં  
2546 ચૂંટણી અધિકારીને સોંપાઇ જવાબદારી
2827 મદદનીશ ચૂંટણી અધિકારીઓને જવાબદારી