ભરતી / ગુજરાત સરકારનું ભોપાળુઃ વિદ્યુત સહાયકની ભરતી રદ, દોઢ વર્ષથી કાગડોળે રાહ જોઈ રહેલા ઉમેદવારોનું શું?

• વિદ્યુત સહાયક અને જૂનિયર એન્જિનિયરની ભરતી રદ
• 700 પ્લસ ક્લાર્ક અને 150 એન્જિનિયરની ભરત રદ
• કોઇ કારણ આપ્યા વગર વિદ્યુત બોર્ડે ભરતી રદ કરી

ગુજરાત સરકાર દ્વારા વિદ્યુત સહાયક અને જૂનિયર એન્જિનિયરની ભરતી રદ કરવામાં આવતા હોબાળો મચી ગયો હતો. 700 પ્લસ ક્લાર્ક અને 150 એન્જિનિયરની ભરતી રદ કરવામાં આવી છે. કોઇ કારણ આપ્યા વગર વિદ્યુત બોર્ડે ભરતી રદ કરી દેતા વિરોધનો સૂર ઉઠી રહ્યો છે. 

ક્યારે ભરાયા હતા ફોર્મ

વિદ્યુત સહાયક અને જૂનિયર એન્જિનિયરના ભરતી ફોર્મ છેક જુલાઈ 2018માં ભરાઈ ગયા હતા. જેની હજી સધી પરીક્ષા જ નોહોતી લેવાઈ. પીજીવીસીએલ, ડીજીવીસીએલએ ભરતી રદ કરી છે. યુજીવીસીએલ અને એમજીવીસીએલએ પણ ભરતી રદ કરી છે. 

પરીક્ષા જ નથી લેવાઈ

જુલાઈ 2018માં ભરાયેલ ફોર્મની પાછલા દોઢ વર્ષ સુધી પરિક્ષા જ નહોતી લેવાઈ. પરીક્ષાના આયોજન પહેલા જ વિદ્યુત બોર્ડ દ્વારા ભરતી રદ કરી દેતા હોબાળો થયો હતો. 

અગાઉ પણ થઈ ભરતી રદ કરવામાં આવી હતી. 

વિદ્યુત ખાતામાં આ ભરતી અગાઉ પણ રદ કરવામાં આવી હતી. જુલાઈ 2018 પહેલા આ જ પોસ્ટ માટે 2017માં ફોર્મ ભરાયા હતા  પણ ભરતી રદ થઇ હતી.

મેસેજ દ્વારા જાણ કરવામાં આવી

આ ભરતી રદ થતા જે ઉમેદવારોએ આ અંગે ફોર્મ ભર્યા હતા તેમને માત્ર એક મેસેજ કરીને ભરતી રદ થઈ હોવાની જાણ કરી દેવામાં આવતા ઉમેદવારોમાં વધુ આક્રોશ જોવા મળ્યો હતો. છેલ્લા દોઢ વર્ષથી જે પરીક્ષાની તૈયારીઓ કરી રહ્યા હતા તે હવે લેવવાની જ નથી.  

પૈસા ઉઘરાવ્યા એનું શું

વિદ્યુત બોર્ડ દ્વારા ભરતી ફોર્મ વખતે વિદ્યુત સહાયક માટે 500 રુપિયા ઉધરાવવામાં આવ્યા હતા તેનું શું? લાખો લોકો અરજી કરે છે ત્યારે આ રકમ પણ લાખોમાં થાય છે સરકાર શું કરશે તે રકમ પાછી આપશે કે પછી ઓહિયા કરી જશે? અગાઉ પેપર ફૂટવાથી એલઆરડીની ભરતી રદ કરાઇ હતી.