IPLIN
 
  • Home
  • India
  • Cabinet Committee on Security approves 15 combat helicopters for armed forces

કેબિનેટનો મોટો નિર્ણય / વજનમાં હલકા પણ એટેકમાં એક્કા એવા 15 હેલિકોપ્ટર 3887 કરોડમાં ખરીદવાનો કેન્દ્ર સરકારનો નિર્ણય

Team VTV 07:01 PM, 30 Mar 22
Follow us
Cabinet Committee on Security approves 15 combat helicopters for armed forces

સશસ્ત્ર દળો માટે હથિયારો અને ઉપકરણોની મોટાપાયે ખરીદી કરી રહેલી કેન્દ્ર સરકારે વધુ એક મોટી ખરીદી કરવાનો નિર્ણય કર્યો છે.

  • સશસ્ત્ર દળો માટે કેન્દ્ર સરકારનો મોટો નિર્ણય
  • કેબિનેટ બેઠકમાં અપાઈ 15 હેલિકોપ્ટર ખરીદીને મંજૂરી
  • 3887 કરોડના ખર્ચે ખરીદાશે 15 લાઈટ હેલિકોપ્ટર 

પ્રધાનમંત્રી મોદીની અધ્યક્ષતામાં મળેલી કેન્દ્રીય કેબિનેટની બેઠકમાં સશસ્ત્ર દળોને હથિયાર આપવા સંબંધિત એક મોટો નિર્ણય લેવાયો છે. કેબિનેટ કમિટીએ 3,887 કરોડના ખર્ચે 15 લાઈટ કોમ્બેટ હેલિકોપ્ટર (LCH)ની ખરીદીને લીલીઝંડી આપી દીધી છે. તેની સાથે 377 કરોડની ઈન્ફ્રાસ્ટ્રક્ચર મંજૂરી પણ અપાઈ છે.

પીએમ મોદીની અધ્યક્ષતામાં આજે મળી કેબિનેટની બેઠક

પ્રધાનમંત્રી મોદીની અધ્યક્ષતામાં આજે મળેલી કેબિનેટની બેઠકમાં આ નિર્ણય લેવાયો છે. આત્મનિર્ભર ભારતને વેગ આપવાના હેતુસર અને સશસ્ત્ર દળોને મજબૂત બનાવવા માટે સરકારે આ નિર્ણય લીધો છે. 

10 ઈન્ડીયન એરફોર્સને અને 5 આર્મીને મળશે

કેન્દ્ર સરકાર 15 લાઈટ કોમ્બેટ હેલિકોપ્ટર ખરીદશે જેમાં 10 ઈન્ડીયન એરફોર્સને અને 5 આર્મીને મળશે. 

શું છે લાઈટ કોમ્બેટ હેલિકોપ્ટરની વિશેષતા
લાઈટ કોમ્બે હેલિકોપ્ટર સંપૂર્ણપણે સ્વદેશી છે અને તે ગમે તેવી વિષમ પરિસ્થિતિમાં પણ ઊંચે રહીને સરહદની ચોકી કરી શકે છે અને દુશ્મનની હિલચાલ પર નજર રાખી શકે છે. ગત વર્ષે નવેમ્બરમાં આત્મનિર્ભર ભારતની દિશામાં વધુ એક પગલું ભરતા વડાપ્રધાન નરેન્દ્ર મોદીએ ભારતીય વાયુસેનાને એક હળવું લડાયક હેલિકોપ્ટર સોંપ્યું હતું. આ વિમાનોનું નિર્માણ હિન્દુસ્તાન એરોનોટિક્સ લિમિટેડે કર્યું છે. જણાવવામાં આવી રહ્યું છે કે આ વિમાન જમીનથી લઈને આકાશ સુધી કોઈ પણ લક્ષ્યને નષ્ટ કરવામાં સક્ષમ છે. આ હેલિકોપ્ટર અનેક રીતે ખાસ હોવાનું કહેવાય છે. તેને વિશ્વનું સૌથી હલકું એટેક હેલિકોપ્ટર માનવામાં આવી રહ્યું છે, જે 15થી 16 હજાર ફૂટની ઉંચાઇ સુધી ઉડી શકે છે.

વજનમાં હળવા પણ એટેકમાં એક્કા જેવા છે લાઈટ કોમ્બેટ હેલિકોપ્ટર

મોદી સરકારે જે હેલિકોપ્ટરની ખરીદી કરવાનો નિર્ણય કર્યો છે તે વજનમાં ખૂબ હળવા પરંતુ હુમલો કરવામાં નંબર વન છે. 1999ના કારગીલ વોર સમયે શરુઆતમાં ભારતને પાછીપાની કરવી પડી હતી કારણ કે તે સમયે દુશ્મન દેશ ઘણો ઊંચાઈએ હતો. લડાઈ રાતે થતી હતી અને આખા દિવસની યોજના દિવસમાં બનતી હતી. દેશની પાસે ત્યારે આ લાઈટ કોમ્બેટ હેલિકોપ્ટર નહોતા તેને કારણે તેને ખૂબ નુકશાન વેઠવું પડ્યું હતું. પરંતુ હવે કેન્દ્ર સરકારે લાઈટ હેલિકોપ્ટરને મંજૂરી આપી છે. 

combat helicopters procurement of 15 Light Combat Helicopters LCH Union Cabinet લાઈટ કોમ્બેટ હેલિકોપ્ટર 15 હેલિકોપ્ટરની ખરીદી એલસીએચ યુનિયન કેબિનેટનો નિર્ણય
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ