વિવાદ / ભાજપે જે નંબર જાહેર કર્યો હતો તે છોકરીઓ અને આલિયા ભટ્ટના નામે વાયરલ થઈ રહ્યો છે, જાણો સમગ્ર મામલો

• 8866288662 પર મિસ્ડ કોલ કરી સમર્થન જાહેર કરવા આહ્વાન
• સોશિયલ મીડિયા પર મોબાઇલ નંબરને લઇને ઉઠ્યા વાંધા
• છોકરીઓના કોન્ટેક્ટ માટે ભાજપના નંબર સાથેના પોસ્ટર થયા વાયરલ

CAAના સમર્થનમાં રવિવારથી ભાજપ ઘર-ઘર સંપર્ક અભિયાન શરૂ કરશે. ત્યારે હાલ છોકરીઓના કોન્ટેક્ટ માટે ભાજપના નંબર સાથેના પોસ્ટર વાયરલ થયા છે. અલગ-અલગ છોકરીઓના આઇડી સાથે પોસ્ટર વાયરલ થયા છે.

પોસ્ટર વાયરલ થતા કોંગ્રેસે ભાજપ પર આક્ષેપ કર્યા છે. કોંગ્રેસે કહ્યું કે, CAA મુદ્દે સમર્થન લેવા માટે ભાજપ ગતકડા કરી રહ્યું છે. CAA મુદ્દે ખોટી રીતે સમર્થન લેવા માટે ભાજપ હવાતિયા કરે છે. છોકરીઓ સાથેના પોસ્ટર વાયરલ કરી યુવાનોને ભરમાવાઇ રહ્યાં છે.

CAA સમર્થનનું ભાજપનું મિસ્ડકોલ અભિયાન સુરતના શિક્ષક માટે માથાનો દુઃખાવો

તો બીજી તરફ સુરતના શિક્ષક માટે આ અભિયાન માથાનો દુઃખાવો બન્યું છે. કારણ કે, સોશિયલ મીડિયામાં ભાજપના નંબરની જગ્યાએ સુરતના એક શિક્ષકનો નંબર સોશિયલ મીડિયામાં વાયરલ થઈ રહ્યો છે.

ડુપ્લીકેટ ઈ-કાર્ડ સોશિયલ મીડિયામાં વાયરલ થયા હતા

અત્રે ઉલ્લેખનીય છે કે, ચૂંટણી પહેલા ભાજપના સભ્ય બનવા માટે એક અભિયાન ચલાવવામાં આવ્યું હતું. આ અભિયાનમાં કોઇપણ વ્યક્તિ ભાજપના સભ્ય બનવા માંગતા હોય તો તેના માટે એક ટૉલ ફ્રી નંબર રાખવામાં આવ્યો હતો. પરંતુ આ અભિયાનમાં પણ છેડછાડ કરવામાં આવી હતી. એટલે કે કેટલાક ગુનાહિત રેકોર્ડ ધરાવતા લોકોના આઈકાર્ડ બનાવી તેને વાયરલ કરવામાં આવ્યા હતા. જેમ કે, રામરહિમ, આશારામના ડુપ્લીકેટ ઈ-કાર્ડ સોશિયલ મીડિયામાં વાયરલ થયા હતા.