ઓફર / સોનામાં રોકાણ કરવાની શાનદાર તક, સોમવારથી અહીં મળશે સસ્તુ સોનું, સરકાર શરૂ કરી રહી છે આ સ્કીમ

• આવતીકાલે ફરી સરકાર લાવશે ખાસ સ્કીમ
• ખરીદી શકશો સસ્તી કિંમતો સોનું
• જાણો શું રહેશે કિંમત

રોકાણકારો સોવરેન ગોલ્ડ બોન્ડ યોજનાના આધારે બજાર મૂલ્યથી ઓછા ભાવે સોનું ખરીદી શકે છે. આ યોજના એક વાર ફરીથી 5 દિવસ માટે એટલે કે 24 મેથી 28 મે સુધી ખુલશે. તેમાં પહેલીવખત 17-21 મે સુધી ખોલવામાં આવી હતી. હવે ફરી વાર સરકારે કિંમત નક્કી કરી છે અને તેને આવતીકાલે રોકાણકારો માટે ફરીથી 5 દિવસ માટે ખોલવામાં આવશે.  

આટલી નક્કી કરવામાં આવી છે બોન્ડની કિંમત
સોવરેન ગોલ્ડ બોન્ડના બીજા હપ્તા માટેની કિંમત 4842 રૂપિયા પ્રતિ 10 ગ્રામ નક્કી કરવામાં આવી છે. આ બોન્ડ આવતીકાલથી ખૂલશે. આ પહેલા 17-21મેના સમયે તેની કિંમત 4777 રૂપિયા પ્રતિ 10 ગ્રામ રાખવામાં આવી હતી. આ સિવાય તમને એ પણ જણાવી દઈએ કે ગોલ્ડ બોન્ડને ઓનલાઈન ખરીદવા માટે પ્રતિ ગ્રામ 50 રૂપિયાની છૂટ આપવામાં આવે છે.  

ઓછામાં ઓછું કેટલું રોકાણ કરી શકાશે
 સ્કીમમા નિયમ અનુસાર વ્યક્તિગત રોકાણ અને હિંદુ અવિભાજિત પરિવાર એક વર્ષમાં 1 ગ્રામથી 4 કિલો સોનું ખરીદી શકે છે. ટ્રસ્ટ અને અન્ય કોઈ સંસ્થા દર વર્ષે 20 કિલો સુધી સોનું ખરીદી શકે છે. ગોલ્ડ બોન્ડની વેચાણ બેંક, સ્ટોક હોલ્ડિંગ કોર્પોરેશન ઓફ ઈન્ડિયા, પોસ્ટ ઓફિસ અને માન્યતા પ્રાપ્ત શેરબજારની મદદથી ખરીદી કરી શકાશે. 

ક્યાંથી ખરીદી શકાય છે ગોલ્ડ બોન્ડ

સોવરેન ગોલ્ડ બોન્ડ ખરીદવા માટે તમારી પાસે પાન કાર્ડ હોવું જરૂરી છે. રોકાણકાર આ બોન્ડ ઓનલાઈન પણ ખરીદી શકે છે. આ સિવાય બેંક, સ્ટોક હોલ્ડિંગ કોર્પોરેશન ઓફ ઈન્ડિયા લિમિટેડ, નક્કી કરેલી પોસ્ટ ઓફિસ અને એનએસઈ અને બીએસઈ જેવા સ્ટોક એક્સચેન્જથી પણ તમે ખરીદી કરી શકો છો. 

ગોલ્ડ બોન્ડ ખરીદવાનું આ કારણોસર આપે છે ફાયદો 
 

• મેચ્યોરિટી પર ટેક્સ ફ્રી હોય છે.
• ભારત સરકાર દ્વારા સમર્થિત હોવાથી ડિફોલ્ટનો ખતરો રહેતો નથી. 
• ફિઝિકલ ગોલ્ડને બદલે ગોલ્ડ બોન્ડને મેનેજ કરવાનું સરળ અને સેફ રહે છે. 
• તેમાં પ્યોરિટીની કોઈ ઝંઝટ રહેતી નથી અને કિંમતો સૌથી શુદ્ધ સોનાના આધારે નક્કી કરાય છે. 
• તેમાં એક્ઝિટના સરળ વિકલ્પ હોય છે. 
• ગોલ્ડ બોન્ડની સામે લોનની સુવિધા પણ મળે છે.