ઈનોવેશન / સુરતનાં આ સિનિયર સીટીઝન સાથે ઉદ્યોગપતિ આનંદ મહિન્દ્રા કામ કરવા ઈચ્છે છે!

• વિષ્ણુભાઈએ ભંગારમાંથી ઈ બાઈક બનાવ્યું છે
• અત્યાર સુધીમાં વિષ્ણુભાઈ 7 બાઈક બનાવી ચૂક્યાં છે
• આનંદ મહિન્દ્રાએ ટ્વીટ કરી તેમનાં કામને બિરદાવ્યું અને કહ્યું આમ

 આનંદ મહિન્દ્રાએ વિષ્ણુભાઈ સાથે કામ કરવાની ઈચ્છા વ્યક્ત 

ભંગારમાંથી ઈ બાઈક બનાવનારા સુરતનાં દિવ્યાંગ સિનિયર સીટીઝન વિષ્ણુ પટેલની આવડતને જોઈ દેશનાં મોટા ઉદ્યોગપતિ આનંદ મહિન્દ્રાએ તેની સાથે કામ કરવાની ઈચ્છા વ્યક્ત કરી છે. ઉલ્લેખનીય છે કે વિષ્ણુભાઈનાં કામનો એક વીડિયો મહિન્દ્રાને ટેંગ કરવામાં આવ્યો હતો. 

આનંદ મહિન્દ્રાએ ટ્વીટ કરી કહ્યું આમ

શનિવારે મહિન્દ્રાએ ટ્વીટ કરી કહ્યું હતું કે , 'હું વિષ્ણુની સ્ટોરીથી પ્રભાવિત થયો છું. તેમનાં સંપર્કમાં રહીશ અને જોઈશ કે તેમનાં વર્કશોપને આગળ ધપાવવામાં ઈન્વેસ્ટ કરી શકીશું છું કે કેમ. મહિન્દ્રાએ એમ પણ લખ્યું કે વિષ્ણુ વ્યક્તિગત રીતે 1 કરોડ રુપિયાનું રોકાણ કરીને કામ કરી રહ્યાં છે. દેશમાં ઘણા બધા પ્રતિભાશાળી અને ઈનોવેટિવ લોકો છે જેમને ઓળખ મળવાની રાહ છે. 

Fabulous story. I’ll reach out to him to see if I can invest in upgradations for his workshop. In fact he’s inspired me to personally set aside ₹1 cr as an initial fund to invest in micro entrepreneurs like him in the country. So much talent & innovation waiting for recognition https://t.co/hM46jv264o

— anand mahindra (@anandmahindra) January 11, 2020

વિષ્ણુભાઈ અત્યાર સુધી 7 બાઈક બનાવી ચુક્યાં છે

ઉલ્લેખનીય છે કે નીલેશ પટેલે મહિન્દ્રાને ટેંગ કરીને ટ્વીટ કર્યું હતું કે, વિષ્ણુભાઈ એક વર્ષના હતાં ત્યારથી જ દિવ્યાંગ છે. તે સાંભળી નથી શકતા પણ પ્રતિભાશાળી છે.  વિષ્ણુંભાઈ અત્યાર સુધીમાં ભંગારમાંથી 7 બાઈક બનાવી ચૂક્યાં છે. જેમાં 2 વ્હીલવાળા  અને 3 વ્હીલવાળા વાહનોનો સમાવેશ કરવામાં આવ્યો છે. જેમાં રિવર્સ ગિયર પણ છે.

અગાઉ આનંદ મહિન્દ્રા એક મહિલા વિશે ટ્વીટ કરી કહ્યું હતું આમ 

ઉલ્લેખનીય છે કે આ પહેલા આનંદ મહિન્દ્રએ 94 વર્ષના એક મહિલાનાં વીડિયોને શેર કરતાં એન્તપ્રિન્યોર ઓફ ધ યર ગણાવ્યાં હતા. ચંદીગઢની રહેવાસી 94 વર્ષીય હરભજન કૌર નામની એક મહિલાનો એક વીડિયો ડૉ. મધુ ટેકચંદાની નામની એક ટ્વિટર યુઝરે આનંદ મહિન્દ્રાને ટેગ કરતા શેર કર્યો હતો. નોંધનીય છે કે હરભજન કૌર પોતાનાં ઘરેથી જ બેસનની બર્ફી બનાવવાનું કામ કરે છે. હરભજને પોતાની દીકરીને કહ્યું કે તે પોતાની રીતે પૈસા કમાવા માંગે છે અને 4 વર્ષ પહેલા તેણે આ કામની શરુઆત કરી હતી.