IPLIN
 
  • Home
  • India
  • Bulldozer sea shore Mumbai Raj Thackeray conspiracy build dargah temple

મહારાષ્ટ્રઃ / મુંબઈમાં દરિયા કિનારે ચાલ્યું બુલડોઝર: રાજ ઠાકરેએ કહ્યું હતું, આ દરગાહ બનાવવાનું ષડયંત્ર, નહીં હટે તો મંદિર બનાવીશ

Team VTV 01:57 PM, 23 Mar 23
Follow us
Bulldozer sea shore Mumbai Raj Thackeray conspiracy build dargah temple

મુંબઈમાં માહિમ બીચ પર ગેરકાયદે દરગાહની અતિક્રમણ જગ્યા તોડી પાડવામાં આવી છે. મહાનગર પાલિકાની ટીમે બુલડોઝરની મદદથી ગેરકાયદે બાંધકામ તોડી પાડ્યું છે. જણાવી દઈએ કે રાજ ઠાકરેએ બુધવારે ચેતવણી આપી હતી.

  • રાજ ઠાકરેની ચેતવણી બાદ મુંબઈમાં કાર્યવાહી
  • નિર્માણાધીન દરગાહને તોડી પાડવામાં આવી 
  • દરગાહ નહીં હટાવવામાં આવે તે મંદિર બનાવીશ : રાજ ઠાકરે

મહારાષ્ટ્ર નવનિર્માણ સેના (MNS)ના સુપ્રીમો રાજ ઠાકરેની ચેતવણી બાદ મુંબઈમાં માહિમ બીચ પર નિર્માણાધીન દરગાહને તોડી પાડવામાં આવી છે. બુલડોઝરની મદદથી અતિક્રમણ સ્થળને તોડી પાડવામાં આવ્યું છે. મહાનગરપાલિકાની ટીમ તેને પણ તોડી રહી છે. આ દરમિયાન ભારે પોલીસ બંદોબસ્ત ગોઠવી દેવામાં આવ્યો છે. 

 

રાજ ઠાકરેએ આરોપ લગાવ્યો હતો 

રાજ ઠાકરેએ આરોપ લગાવ્યો હતો કે માહિમ બીચ પર ગેરકાયદે દરગાહ બનાવવામાં આવી રહી છે. રાજ ઠાકરેએ પ્રશ્ન ઉઠાવતા જ ગુરુવારે સવારે બુલડોઝર માહિમ બીચ પર પહોંચી ગયું હતું. અતિક્રમણ સ્થળના ડિમોલિશન દરમિયાન ડઝનબંધ પોલીસકર્મીઓ તૈનાત કરવામાં આવ્યા હતા. 

 

રાજ ઠાકરેની ચેતવણી બાદ કરવામાં આવી કાર્યવાહી 

ઉલ્લેખનીય છે કે રાજ ઠાકરેએ 22 માર્ચે એક રેલી દરમિયાન ચેતવણી આપી હતી. રાજ ઠાકરેએ કહ્યું હતું કે માહિમ બીચ પર દરિયામાં ગેરકાયદે બાંધકામ થયું છે. તેણે તેનો વીડિયો પણ બતાવ્યો. આ દરમિયાન ઠાકરેએ કહ્યું કે માહિમ બીચ પર એક અનધિકૃત કબર બનાવવામાં આવી છે. તેમણે ચેતવણી આપી હતી કે જો એક મહિનામાં તેને તોડી પાડવામાં નહીં આવે તો તેની નજીક એક મોટું ગણપતિ મંદિર બનાવવામાં આવશે. જણાવવામાં આવી રહ્યું છે કે રાજ ઠાકરેની ચેતવણી બાદ અધિકારીઓએ ગેરકાયદે બાંધકામને તોડી પાડવાનો આદેશ આપ્યો હતો. સત્તાધીશોના આદેશથી જ અનઅધિકૃત બાંધકામ તોડી પાડવામાં આવ્યું છે.

Bulldozer Mumbai raj thackeray build dargah sea shore Temple MAHARASHTRA GOVERMENT
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ