ચૂંટણી / BSP 669 કરોડ રૂપિયાના બેંક બેલેન્સની સાથે સૌથી ધનિક પાર્ટી, પાંચમા સ્થાન પર BJP

બેંક બેલેન્સના મામલામાં માયાવતીની બહુજન સમાજ પાર્ટી (BSP) તમામ રાષ્ટ્રીય અને ક્ષેત્રીય પાર્ટીઓથી આગળ છે. આ જાણકારી એક સત્તાવાર રિપોર્ટમાં સામે આવી છે. BSPની તરફથી 25 ફેબ્રુઆરીના ચૂંટણી આયોગમાં આપેલી જાણકારી અનુસાર, NCRની સરકારી બેંકોમાં રહેલા 8 ખાતામાં તેની 669 કરોડની ડિપૉઝિટ છે. 
 

2014ની લોકસભા ચૂંટણીમાં પોતાનુ ખાતું ના ખોલનારી BSPની પાસે 95.54 લાખ રૂપિયા રોકડ છે. તો બીજી તરફ સમાજવાદી પાર્ટી (SP)આ મામલામાં બીજા સ્થાન પર છે અને તેમની પાસે વિભિન્ન બેંક ખાતામાં 471 કરોડ રૂપિયા છે. પાર્ટીની રોકડ ડિપોઝિટ મધ્યપ્રદેશ, છત્તીસગઢ, રાજસ્થાન અને તેલંગાનામાં હાલમાં થયેલી વિધાનસભા ચૂંટણી દરમિયાન 11 કરોડ રૂપિયા ઘટી ગયા છે.

કોંગ્રેસ આ યાદીમાં ત્રીજા સ્થાન પર છે, જેની પાસે 196 કરોડ રૂપિયાનું બેંક બેલેન્સ છે. જોકે આ જાણકારી ગત વર્ષે 2 નવેમ્બરના ચૂંટણી પંચને આપવામા આવેલી જાણકારી પર આધારિત છે. પાર્ટીના મધ્યપ્રદેશ, રાજસ્થાન અને છત્તીસગઢમાં જીત પછી પોતાના બેલેન્સને લઇને કોઇ અપડેટ કરવામાં આવી નથી. 
 

ભાજપ આ યાદીમાં તમામ ક્ષેત્રીય પાર્ટીઓ કરતા પાછળ છે અને TDPના પછી પાંચમા સ્થાન પર છે. ભાજપની પાસે કુલ 82 કરોડ રૂપિયાનુ બેંક બેલેન્સ છે. જ્યારે TDP પાસે 107 કરોડ રૂપિયા છે. ભાજપે દાવો કર્યો છે કે, 2017-18માં થયેલી 1027 કરોડમાંથી 758 કરોડ રૂપિયા ખર્ચ કરી દેવામાં આવ્યા છે જે કોઇ પણ પાર્ટી દ્વારા કરવામાં આવેલી સૌથી વધારે રકમ છે. 
 

પાર્ટીઓની 87%  આવક કૉન્ટ્રિબ્યૂશન પર આધારિત:

SPની ડિપોઝિટ વિધાનસભા ચૂંટણી પછી નવેમ્બર-ડિસેમે્બર દરમિયાન 11 કરોડ રૂપિયા ઘટી ગઇ, તેનાથી ઉંધુ વિધાનસભા દરમિયાન BSPએ 24 કરોડ રૂપિય ભેગા કર્યા જે પછી બેંક બેલેન્સમાં વધારો થયો. NDR દ્વારા રાજનીતિક પાર્ટીના ઇન્કમ ટેક્સ રિટર્ન પર કરવામાં આવેલા વિશ્લેષણ અનુસાર, ભાજપે 2016-17 અને 2017018માં કોન્ટ્રિબ્યૂશનમાં સૌથી વધારે કમાણી કરી. જે દરમિયાન ક્રમશ: 1034 અને 1027 કરોડ રૂપિયા ભેગા કર્યા. આ દરમિયાન BSPએ 174 કરોડ અને 52 કરોડ રૂપિયા ભેગા કર્યા. કોંગ્રેસ 2016-17માં 225 કરોડ રૂપિયાની કમાણીની જાહેરાત કરી. આ સમયે ચૂંટણી પંચે આગામી વર્ષમી કમાણીની ઘોષણા નથી કરી. તમામ પાર્ટીઓને 87% કમાણી સ્વેચ્છાથી આપેલા દાનથી થઇ છે.