BSNLએ લોન્ચ કરી દેશની પહેલી ઇન્ટરનેટ ટેલિફૉની સર્વિસ, સિમ કાર્ડ વગર કરી શકાશે કૉલ

By : juhiparikh 07:03 PM, 11 July 2018 | Updated : 07:03 PM, 11 July 2018
BSNLએ દેશની સૌથી પહેલી ઇન્ટરનેટ ટેલિફોની સર્વિસ લોન્ચ કરી છે, જેની મદદથી યૂઝર્સ સિમ વગર કોઇ પણ નંબર પર કૉલ કરી શકશે. BSNLની આ સુવિધા મોબાઇલ એપ 'વિંગ્સ'ની મદદથી મળશે, જેણે Wifiથી ઑપરેટ કરી શકાશે. અત્યાર સુધી આ એપ ટૂ એપ કૉલિંગની સુવિધા હતી, પરંતુ હવે એપથી સીધા નંબર પર કૉલ કરી શકાશે. આ સેવાનું રજિસ્ટ્રેશન એક અઠવાડિયામાં શરૂ થશે અને 25 જૂલાઇના એક્ટિવેટ થઇ જશે. આ સુવિધા માટે 1099 રૂપિયાની વાર્ષિક ફી હશે જેમાં ફ્રી કૉલની ફેસિલિટી મળશે.

દૂરસંચાર મંત્રી મનોજ સિન્હા એ જણાવ્યુ કે, પ્રતિસ્પર્ધાના સમયમાં આ કામ પ્રશંસીય છે, ઇન્ટરનેટ ટેલિફોનીને લઇને TRAIના પ્રસ્તાવને દૂરસંચાર મંત્રાલયે જૂનમાં મંજૂરી  આપી દીધી હતી.

બીજા યૂઝર માટે એપ હોવી જરૂરી નથી:
ઇન્ટરનેટ ટેલિફોની મોબાઇલ પર ઇન્ટરનેટની મદદથી કૉલ કરવાની ટેક્નોલોજી છે. આ એપની મદદથી કામ કરે છે,જેમાં પ્રોટોકૉલની મદદથી કૉલ કરવામાં આવી છે જ માટે વૉયસ ઑવર ઇન્ટરનેટ પ્રોટોકોલ ટેક્નિક કહેવામાં આવે છે. WhatsApp અને Skypeની મદદથી કૉલિંગ તેનું ઉદાહરણ છે, પરંતુ બંને યૂઝરની પાસે આ એપ હોવી જરૂરી છે, BSNLના એપથી કૉલિંગ કરવા માટે એપ જરૂરી નથી.

ઇન્ટરનેટ ટેક્નોલજીમાં મૉબાઇલથી નીકળતા એનાલૉગ સિગ્નલ એટલે કે વૉઇસને ડિજિટલ ડેટા પેકેટના રૂપમાં ટ્રાન્સફર કરી શકાશે, આ ડેટા પેકેટ ઇન્ટરનેટની મદદથી ટ્રાન્સફર કરી શકાશે. આ પ્રક્રિયામાં પેકેટ ટ્રાન્સફર કરવા માટે સૌથી નાના રૂટને પસંદ કરવામાં આવે છે અને ડેસ્ટિનેશન નંબર પર પહોંચતા જ આ ડેટા પેકેટ એનાલૉગમાં કન્વર્ટ થઇ જાય છે. ઇન્ટરનેટ ટેક્નોલોજીમાં મોબાઇલ નંબર એક વેબસાઇટની જેમ કામ કરે છે, જેમાં કૉલ કરવાની ઓળખ ઇન્ટરનેટ પ્રોટોકૉલ ID એડ્રેસની મદદથી કરવામાં આવશે.



Recent Story

Popular Story