ઝિમ્બાબ્વેના ભૂતપૂર્વ કેપ્ટન બ્રેન્ડન ટેલર પર ICC એ મેચ ફિકસીંગના આરોપો હેઠળ આંતરરાષ્ટ્રીય ક્રિકેટમાંથી 3.5 વર્ષનો પ્રતિબંધ લગાવી દીધો છે.
ઝિમ્બાબ્વેના ભૂતપૂર્વ કેપ્ટન પર પ્રતિબંધ
બ્રેન્ડન ટેલર પર મેચ ફિકસીંગના આરોપ
ભારતીય બિઝનેસમેને કરાવ્યું સ્પોટ ફિકસીંગ
ICC એ લાંબા સમયથી મેચ ફિક્સિંગમાં સંડોવાયેલા એક અનુભવી ક્રિકેટર પર આંતરરાષ્ટ્રીય ક્રિકેટમાંથી પ્રતિબંધ લગાવી દીધો છે. આ ક્રિકેટર બીજું કોઈ નહીં પણ ઝિમ્બાબ્વેનો ભૂતપૂર્વ આંતરરાષ્ટ્રીય કેપ્ટન અને ક્રિકેટર બ્રેન્ડન ટેલર છે.
ટેલરે તાજેતરમાં 2019 ના એક કેસનો ખુલાસો કરતા કહ્યું કે એક ભારતીય બિઝનેસમેને કોકેઈન ડ્રગ્સ લેતા તેનો વીડિયો બનાવ્યો અને પછી તેને સ્પોટ ફિક્સિંગ માટે બ્લેકમેલ કરવાનું શરૂ કર્યું. પરંતુ હવે આ મામલે ICCએ તેના પર ક્રિકેટ પર પ્રતિબંધ લગાવી દીધો છે.
Former Zimbabwe captain Brendan Taylor has been banned from all cricket for three and a half years after he accepted breaching four charges of the ICC Anti-Corruption Code and, separately, one charge of the ICC Anti-Doping Code: ICC
આ ક્રિકેટર પર 3.5 વર્ષનો પ્રતિબંધ
આંતરરાષ્ટ્રીય ક્રિકેટર બ્રેન્ડન ટેલરને ICC દ્વારા આગામી સાડા ત્રણ વર્ષ માટે ક્રિકેટના દરેક ફોર્મેટમાંથી પ્રતિબંધિત કરવામાં આવ્યો છે. "બ્રેન્ડન ટેલરને ICC એન્ટિ-કરપ્શન કોડના ચાર આરોપો અને અલગ ICC એન્ટિ-ડોપિંગ કોડના આરોપનું ઉલ્લંઘન કર્યા બાદ સાડા ત્રણ વર્ષ માટે તમામ ક્રિકેટમાંથી સાડા ત્રણ વર્ષ માટે પ્રતિબંધિત કરવામાં આવ્યો છે."
ICC એ કહ્યું હતું કે હાલમાં જ ટેલરે પોતે ફિક્સિંગને લઈને આ મોટો ખુલાસો કર્યો હતો.
સોશિયલ મીડિયા પર કર્યો ધડાકો
બ્રેન્ડન ટેલરે ખુલાસો કર્યો કે એક ભારતીય બિઝનેસમેને કોકેઈન ડ્રગ્સ લેતા તેનો વીડિયો બનાવ્યો અને પછી તેને સ્પોટ ફિક્સિંગ માટે બ્લેકમેલ કરવાનું શરૂ કર્યું. જો તે આમ નહીં કરે તો તેને વીડિયો વાયરલ કરવાની ધમકી પણ આપવામાં આવી હતી.
જોકે, બ્રેન્ડન ટેલરના કહેવા પ્રમાણે, તેણે ક્યારેય તે ફિક્સરની વાત સાંભળી ન હતી અને તમામ મેચો ઈમાનદારીથી રમી હતી. આ મામલો ઓક્ટોબર 2019નો છે, જ્યારે બ્રેન્ડન ટેલર ઝિમ્બાબ્વેમાં સ્પોન્સરશિપ ડીલ અને T20 ટૂર્નામેન્ટ અંગે ચર્ચા કરવા ભારત આવ્યો હતો.