દ.પૂર્વ બ્રાઝીલમાં 'જળપ્રલય': ડેમ તૂટતા 40 લોકોના મોત 400 લોકો લાપતા

દક્ષિણ પૂર્વ બ્રાઝીલમાં એક ખાણ પાસે આવેલો ડેમ તૂટતા તારાજી સર્જાઈ છે. ડેમ તૂટતા 34 જેટલા લોકોનાં મોત થયા છે. તો હજુ પણ આ મૃત્યુઆંક વધે તેવી શક્યતા સેવાઈ રહી છે. તો ડેમ તૂટ્યા બાદ 300થી પણ વધુ લોકો લાપતા બન્યા છે. 

બ્રાઝીલના મિનાસ ગેરેસ રાજ્યમાં આવેલા બેલો હોરિજોંટો શહેર પાસે આવેલા એક ખાણ નજીક આ ડેમ તૂટી પડતા પૂર જેવી સ્થિતિ સર્જાઈ છે. ડેમ તૂટી પડતા સમગ્ર વિસ્તારમાં પૂર જેવો માહોલ સર્જાયો અને જોતજોતામાં અનેક લોકોના મકાન સહિત માણસોને આ પૂરનું પાણી લઈ ડૂબ્યું. 



શહેરની આસપાસના અનેક ખેતરો પણ પૂરની લપેટમા આવતા ઉભા પાકને પણ ભારે નુકસાન થયું. તો પૂર બાદ રાહત અને બચાવ કાર્ય હાથ ધરવામાં આવ્યું છે. બચાવ કામગીરી માટે હેલીકોપ્ટરની મદદ લેવાઈ રહી છે. કારણકે ડેમ તૂટતા મકાનોમાં પણ પાણી ફરી વળ્યુ છે. 

જેથી બચાવ કામગીરીમાં પણ મુશ્કેલી પડી રહી છે. બચાવ કામગીરીમાં 176 લોકોને બચાવી લેવાયા છે અને તેમાંથી 23 જેટલા લોકો હાલ ગંભીર હાલતમાં સારવાર હેઠળ છે. બીજી તરફ ફસાયેલા લોકોને બચાવવા માટે રેસ્ક્યૂ ઓપેરશન યથાવત છે.