ભારે કરી / 5 મિનીટની અંદર શખ્સને લગાવી દીધા વેક્સિનના બંને ડોઝ પછી જે થયુ...

• ભારતમાં સામે આવી બેદરકારી 
• વેક્સિનના બે ડોઝ એક જ વ્યક્તિને આપી દીધા
• પરિવારના લોકોએ કરી દીધી ફરિયાદ 

5 મિનીટની અંદર 2 ડોઝ 
રિપોર્ટ્સ અનુસાર બુધવારે અહી વેક્સિન લેવા ગયેલા એક શખ્સે આરોપ લગાવ્યો હતો કે નર્સિંગ સ્ટાફ વાતો કરવામાં એટલી વ્યસ્ત હતી કે તેણે 5 મિનીટની અંદર બીજો ડોઝ પણ આપી દીધો હતો. 

જ્યારે તે શખ્સ વેક્સિન લઇને ઘરે પહોંચ્યો તો તેને બેચેની થવા લાગી હતી અને તેણે પરિવારને ઘટના વિષે માહીતી આપી હતી. 

બે ડોઝથી કોઇ નુકસાન નહી 
CMO સાથે સંપર્ક કરવામાં આવ્યો અને આ વાતની ફરિયાદ કરી હતી ત્યારે આ ઘટનાની તપાસના આદેશ આપી દેવામાં આવ્યા હતા. તેમણે કહ્યું કે બે ડોઝ લેવાથી તે વ્યક્તિને કોઇ નુકસાન નહી થાય. ઉલ્લેખનીય છે કે વેક્સિનના 2 ડોઝ વચ્ચે ઓછામાં ઓછા 4 અઠવાડીયાનું અંતર હોવુ જરૂરી છે. 

ઇટાલીમાં એક છોકરી સાથે બની હતી આવી ઘટના 

ઇટાલીમાં 23 વર્ષની એક વિદ્યાર્થિનીને Nao હૉસ્પિટલમાં એક જ દિવસમાં 6 વખત કોરોના વેક્સિન આપવામાં આવી. વેક્સિનેશનમાં થયેલી આ ઘોર લાપરવાહીની ચર્ચા દુનિયાભરમાં થઈ રહી છે. રિપોર્ટ પ્રમાણે 6 ડોઝ બાદ હૉસ્પિટલમાં હાહાકાર મચી ગયો હતો. તમામ ચિંતિત હતા કે આટલા ડોઝ આપવામાં આવ્યા બાદ છોકરીના શરીર પર કેવી અસર થશે?

આ કારણે છોકરીને 24 કલાક મેડિકલ ઑબ્ઝર્વેશનમાં રાખવામાં આવી. Nao હૉસ્પિટલના ડાયરેક્ટર Dr Antonella Vicentiએ ઘટનાની જાણકારી આપતા જણાવ્યું કે, મહિલાને કોઈ સાઇડ ઇફેક્ટ નથી થઈ. તેને 24 કલાક ઑબ્ઝર્વેશનમાં રાખવામાં આવી હતી. Pfizerના આટલા મોટા ડોઝ બાદ સૌને ડર હતો કે આનું પરિણામ શું હશે? પરંતુ છોકરીને ના તો તાવ આવ્યો અને ના દુ:ખાવો થયો. જો કે 6 ડોઝ મળ્યા બાદ છોકરી ગભરાઈ ગઈ હતી. 6 ડોઝના 24 કલાક બાદ છોકરીને દેખરેખ હેઠળ રાખવામાં આવી.