દારૂબંધી? / અમદાવાદમાં બુટલેગરો બેફામ, બાતમીદાર હોવાની શંકાને પગલે દંપત્તિને ધીબેડી નાંખ્યુ

થોડાદિવસ પહેલા બુટલેગરના ઘરેથી ઝડપાયો હતો દારૂ
CCTVમાં હુમલાખોરોની કેદ થતા CCTV પણ તોડ્યા
વટવા પોલીસ મથકમાં નોંધાઈ ફરિયાદ

અમદાવાદમાં બુટલેગરો બેફામ બન્યા છે. બુટલેગરોની પોલીસને બાતમી આપી હોવાની શંકાને પગલે જ પરિવારને જાહેરમાં માર મારવાનો વીડિયો સામે આવ્યો છે. પુરુષને તો ઠીંક આ બુટલેગરો મહિલાને પણ બેખોફ રીતે માર મારી રહ્યા છે. ત્યારે પ્રશ્ન ઉઠે કે સાવ સામાન્ય ટ્રાફિક રૂલ્સ ફોલો ન કરે તેમને પણ સજા અને દંડ કરનાર તંત્ર આ બુટલેગરોને નાથવામાં કેમ નિષ્ફળ નીવડી રહ્યુ છે? શું તંત્રની રહેમનજર હેઠળ જ આ બુટલેગરો ફુલ્યા ફાલ્યા છે કે તેમને કોઈનો શેહ શરમ નથી?

વટવામાં દંપત્તિ પર બુટલેગરોનો હુમલો
અમદાવાદના વટવામાં બુટલેગરોએ દંપત્તિ પર હુમલો કર્યો હતો. આ દંપત્તિ વટવામાં ચાની કીટલી ચલાવીને પરિવારનું ગુજરાન ચલાવે છે. આ પરિવારને જાહેરમાં માર મારવામાં આવી રહ્યુ હોવાનું વીડિયોમાં દેખાઈ રહ્યુ છે એમ છતાં આસપાસના લોકો કે કોઈ આ પરિવારની મદદે આવ્યુ ન હતુ. પોલીસ પણ હોતી હે ચલતી હેની જેમ છેક છેલ્લે પહોંચી હતી. 

કેમ કર્યો હુમલો
બુટલેગરોને શંકા હતી કે આ દંપત્તિએ પોલીસને દારૂની બાતમી આપી છે જેને કારણે તેમના ઉપર હૂમલો કર્યો હતો. થોડા દિવસ પહેલાલ બુટલેગરના ઘરેથી દારૂ ઝડપાયો હતો. પરિવાર પર હુમલા બાદ હુમલાખોરોએ CCTV પણ તોડી નાંખ્યા હતા. 

પોલીસે શરૂ કરી કાર્યવાહી
આ સમગ્ર ઘટના ઘટી ગયા બાદ પોલીસે ગુનો હાથ ધરીને તપાસ શરૂ કરી હતી. વટવા પોલીસ હાલ આ અંગે તપાસ કરી રહી છે. વટવામાં ખુલ્લેઆમ બુટલેગરોનો ત્રાસ છે. તેમની વિરૂધ્ધ હરફ પણ ઉચ્ચારનારની તેઓ બુરી વલે કરે છે. તંત્ર સામાન્ય નાગરિકોને આવા અસમાજીક તત્વોથી રક્ષણ આપવામાં નીષ્ફળ નીવડી રહ્યુ હોવાની ચર્ચાએ જોર પકડ્યુ છે.