બિહાર / કોર્ટમાં સબૂત તરીકે બોમ્બ લાવ્યા પોલીસ, ઓફિસમાં એન્ટર થતાં જ બ્લાસ્ટ થયો, 3 પોલીસ જવાન ઘાયલ

• પટનાની સિવિલ કોર્ટમાં થયો બ્લાસ્ટ
• આ બ્લાસ્ટમાં 3 પોલીસ જવાન ઘાયલ થયા
• સબૂત તરીકે લાવેલો બોમ્બ ફાટ્યો

બિહારની રાજધાની પટનાની સિવિલ કોર્ટમાં બોમ્બ બ્લાસ્ટ થયો છે. શુક્રવારે થયેલા આ બ્લાસ્ટમાં 3 પોલીસકર્મી ઘાયલ થઈ ગયા છે. મોટી વાત એ છે કે, આ બોમ્બ ખુદ પોલીસ પુરાવા તરીકે કોર્ટમાં લાવ્યા હતા, જેથી જજને બતાવી શકાય. પણ આ દરમિયાન બોમ્બ બ્લાસ્ટ થયો હતો. બ્લાસ્ટ થયા બાદ કોર્ટમાં અફરાતફરી મચી ગઈ હતી. ધુમાડો એટલો બધો થયો કે, થોડી વાર તો કોઈ કંઈ સમજી શક્યા નહીં, આખરે ધુમાડો હટ્યો ત્યારે ખબર પડી અમુક પોલીસ જવાનો ઘાયલ થયા છે. એક ક્ષણે તો એવું લાગ્યું કે, કોર્ટમાં કોઈ મોટી દુર્ઘટના ઘટી ગઈ, પણ થોડી વાર ખબર પડી ગઈ કે, આ એક દુર્ઘટના હતી.  

Few days ago Gunpowder was recovered in Patel hostel,Patna University. We took it to court for seeking permission for further probe. Blast happened as soon as it was kept in premises. A police official sustained injuries & is out of danger: Sabi ul Haq, Incharge, Pirbahore PS pic.twitter.com/Q58vLYXdMV

— ANI (@ANI) July 1, 2022

કોર્ટમાં પુરાવા (સબૂત) તરીકે લાવ્યા હતા બોમ્બ

કહેવાય છે કે, શુક્રવારે કોર્ટમાં એક કેસની સુનાવણી થવાની હતી. જેમા અગમકુઆ પોલીસ સ્ટેશનના પોલીસકર્મીઓ બોમ્બ સાથે પુરાવા તરીકે લાવ્યા હતા, જો કે, અચાનક સબૂત તરીકે લાવેલો બોમ્બ ફાટ્યો હતો. જેમાં અમુક પોલીસકર્મી પણ ઘાયલ થયા હતા. ઘાયલ પોલીસ જવાનને સારવાર માટે તાત્કાલિક પીએમસીએચ લઈ જવામાં આવ્યા હતા. ઘાયલ પોલીસ જવાનનું નામ સુધીર કુમાર છે. તેઓ કોર્ટમાં સબૂત તરીકે બોમ્બ લાવ્યા હતા.  

પ્રોસિક્યુશન ઓફિસમાં બોમ્બ ફાટ્યો

કહેવાય છે કે, એક કેસની તપાસ દરમિયાન પોલીસે જીવતો બોમ્બ પકડ્યો હતો. આ કેસમાં સુનાવણી થતાં કોન્સ્ટેબલ સુધીર કુમાર પુરાવા તરીકે બોમ્બ કોર્ટમાં લઈને આવ્યા હતા. જેથી પ્રોસિક્યુશન પક્ષ પુરાવા તરીકે તેને રજૂ કરી શકે. પણ કોર્ટમાં રજૂ કરે તે પહેલા જ ઓફિસમાં બોમ્બ ફાટ્યો. હાલમાં એ તપાસ ચાલી રહી છે કે, બોમ્બને યોગ્ય રીતે ડિફ્યૂઝ કરવામાં આવ્યો હતો નહી. પોલીસ હાલમાં તેની તપાસ કરી રહી છે.