માધુરી દીક્ષિતની અપકમિંગ ફિલ્મ ફાઈન્ડિંગ અનામિકાને લઇ ઘણાં સમયથી ચર્ચા થઇ રહી છે. હવે આ ફિલ્મનું ટીઝર રિલીઝ થયુ છે. જે અભિનેત્રીએ પોતાના ઈન્સ્ટાગ્રામ એકાઉન્ટ પર શેર કર્યુ છે. તો માધુરી દીક્ષિતના પ્રશંસકો આ ફિલ્મની આતુરતાથી રાહ જોઈ રહ્યાં છે.
માધુરી દીક્ષિતની અપકમિંગ ફિલ્મ ફાઈન્ડિંગ અનામિકાનું ટીઝર રિલીઝ
અભિનેત્રીએ ઈન્સ્ટાગ્રામ એકાઉન્ટ પર કર્યુ શેર
કેપ્શનમાં લખ્યું, શું તમે તૈયાર છો અનામિકાને મળવા માટે?
માધુરીએ ઈન્સ્ટાગ્રામ પર ફિલ્મ ફાઈન્ડિંગ અનામિકાનું ટીઝર શેર કર્યુ
આખરે લાંબા સમય બાદ માધુરી કોઈ ફિલ્મના રૂપેરી પડદે પોતાની કામણગારી અદાનો જાદુ પીરસશે. માધુરી છેલ્લી વખત કરણ જોહરની ફિલ્મ કલંકમાં દેખાઈ હતી. માધુરીની આ ફિલ્મના નિર્માતા પણ કરણ જોહર જ છે. અભિનેત્રીએ ઈન્સ્ટાગ્રામ પર ફિલ્મ ફાઈન્ડિંગ અનામિકાનું ટીઝર શેર કરીને કેપ્શનમાં લખ્યું, શું તમે તૈયાર છો અનામિકાને મળવા માટે? ફાઈન્ડિંગ અનામિકા ટૂંક સમયમાં નેટફ્લિક્સ પર ધૂમ મચાવવા આવી રહી છે. અભિનેત્રીએ આ ટીઝર લગભગ 7 કલાક પહેલાં શેર કર્યુ છે. જેને 3 લાખથી વધુ લોકો નિહાળી ચૂક્યા છે.
અભિનેત્રીના પ્રશંસકોએ કોમેન્ટ કરી
અભિનેત્રીના પ્રશંસકો પોસ્ટ પર કોમેન્ટ કરી પોતાનો ઉત્સાહ દર્શાવી રહ્યાં છે. વીડિયો પરથી જોવા મળી રહ્યું છે કે ફિલ્મમાં રીઅલ જીવનની જેમ એક સુપરસ્ટારનો રોલ નિભાવ્યો છે. વીડિયોની શરૂઆતમાં માધુરી તેના પ્રશંસકો અને મીડિયાકર્મીઓથી ઘેરાયેલી જોવા મળે છે. બેકગ્રાઉન્ડમાંથી એક માણસનો અવાજ આવે છે. જે પૂછે છે, તો જણાવો કે અનામિકા આનંદ હોવો કેવો લાગે છે. સારું લાગે છે, પ્રામાણિકતાથી કહુ તો આટલા વર્ષો બાદ પણ જીવન વાસ્તવિક જેવુ લાગતુ નથી. હું પોતાને નસીબદાર ગણુ છુ. કોઈની નજર ના લાગે.
ફિલ્મની કહાની એક એવા સુપરસ્ટારની છે, જે એક દિવસ અચાનક ગાયબ થઇ જાય છે. ફિલ્મની કહાની શ્રી રાવ અને નિશા મહેતાએ મળીને લખી છે. આ ફિલ્મમાં માધુરી સિવાય સંજય કપુર, સુહાસિની મુલે, મુસ્કાન જાફરી અને માનવ કોલ જેવા અભિનેતાઓએ કામ કર્યુ છે.