સુરતમાં ફુગ્ગામાં ગેસ ભરતી વખતે અચાનક બ્લાસ્ટ થયો હતો. જેમાં ઇજાગ્રસ્ત યુવનનું ટૂંકી સારવાર બાદ મોત નિપજતા પરિવારજનોમાં કાળો કલ્પાંત ફેલાયો છે.
સુરતમાં ફુગ્ગામાં ગેસ ભરતી વખતે એક યુવકનું મૃત્યુ
ગેસનો સિલિન્ડર ફાટતા યુવકનું થયું મૃત્યુ
પુણાગામ પાસેના મહાવીર સર્કલની ઘટના
સુરતમાં ચોંકાવનારી ઘટના પ્રકાસમાં આવી છે જેમાં ફુગ્ગા ભરતી વખતે ગેસનો બોટલ ફાટતા યુવાનને ગંભીર ઇજા થવા પામી હતી જેને લઈને તેને તાત્કાલિક સારવાર અર્થે ખસેડવામાં આવ્યો હતો. જ્યા સારવાર કારગત ન નિવડતા તેનું મોત નીપજ્યું હોવાનું સામે આવ્યું છે.આ ધડાકા પછી અફરાતફરીનો માહોલ સર્જાયો હતો.
સુરતમાં ફુગ્ગાનું વેચાણ કરી રહેલા યુવકનું મૃત્યુ
સુરત પુણા ગામ નજીક આવેલ મહાવીર સર્કલ પાસે દુર્ઘટના ઘટી હતી. જેમાં ઉત્તરાયણ નિમિતે યુવાન ફુગ્ગામાં ગેસ ભરી રહ્યો હતો. આ વેળાએ અચાનક ગેસના બાટલામા ભયંકર ધડાકો થયો હતો. જેને પગલે લોકોના ટોળેટોળા એકઠા થયા હતા. આ ઘટનામાં યુવાનને ગંભીર ઇજા થતાં તેને તાત્કાલિક સારવાર અર્થે 108 દ્વારા સ્મીમેર હોસ્પિટલમાં ખસેડાયો હતો. જ્યા સારવાર કારગત ન નિવડતા તેનું ટૂંકી સારવાર બાદ મૃત્યુ નીપજ્યું હતું.આ ઘટના બાદ ત્યાં ભાગદોડ મચી ગઈ હતી,
પુણા પોલીસે હાથધરી તપાસ
બીજી તરફ ઘટનાની જાણ થતા પુણા પોલીસનો સ્ટાફ તાબડતોબ દોડી ગયો હતો. પોલીસે ઘટનાની નોંધ કરી કાર્યવાહી આગળ ધપાવી છે. ઉલ્લેખનીય છે કે અનેક શહેરોમાં જાહેરમાં ખુલ્લેઆમ ફુગ્ગામાં હવા ભરવામાં આવતી હોય છે જેને લઈને અન્ય લોકોના જીવ જોખમમાં મુકાતા હોય છે ત્યારે આ અંગે કાર્યવાહી કરવી જરૂરી છે.