મહારાષ્ટ્રમાં હવે ટૂંક સમયમાં ભાજપ-શિવસેનાની સરકાર રચાઈ શકે છે અને આ દિશામાં પહેલા મોટા સમાચાર સામે આવ્યાં છે.
ભાજપે મહારાષ્ટ્રમાં સરકાર રચવાની કવાયત આદરી
દેવેન્દ્ર ફડણવીસ રાજ્યપાલને મળવા રાજભવન પહોંચ્યાં
રાજ્યપાલને મળતા પહેલા ફડણવીસ દિલ્હીમાં અમિત શાહ-નડ્ડાને મળ્યાં હતા
મહારાષ્ટ્રમાં ભાજપે શિવેસનાના બળવાખોર ધારાસભ્યોની સાથે મળીને સરકારની રચના કરવાનું નક્કી કર્યું હોય તેવું લાગી રહ્યું છે. દિલ્હીમાં અમિત શાહ અને ભાજપ અધ્યક્ષ જેપી નડ્ડા સાથે મુલાકાત કર્યાં બાદ દિગ્ગજ નેતા અને પૂર્વ સીએમ દેવેન્દ્ર ફડણવીસ રાજ્યપાલ ભગતસિંહ કોશિયારીને મળવા રાજભવન પહોંચ્યાં હતા. તેમની સાથે ધારાસભ્ય ચંદ્રકાંત પાટીલ, ગિરીશ મહાજન અને અન્ય નેતાઓ પણ છે. સૂત્રોના જણાવ્યા અનુસાર તેમણે રાજ્યપાલ ભગતસિંહ કોશ્યારીની સામે ફ્લોર ટેસ્ટની માંગ ઉઠાવી છે. આ પહેલા આજે દેવેન્દ્ર ફડણવીસ દિલ્હીની મુલાકાતે આવ્યા હતા જ્યાં તેમણે કેન્દ્રીય ગૃહમંત્રી અમિત શાહ અને ભાજપના રાષ્ટ્રીય અધ્યક્ષ જેપી નડ્ડા સાથે મુલાકાત કરી હતી.
BJP leader Devendra Fadnavis mets Maharashtra Governor Bhagat Singh Koshyari at Mumbai's Raj Bhavan after returning from New Delhi
રાજ્યપાલ સમક્ષ ફ્લોર ટેસ્ટની માગ કરી ભાજપે
દેવેન્દ્ર ફડણવીસે રાજ્યપાલ કોશિયારી સામે ફ્લોર ટેસ્ટની માગ કરી હોવાનું પણ જણાવાઈ રહ્યું છે. સોમવારે રાજ્યની રાજકીય સ્થિતિ પર ચર્ચા કરવા માટે ભાજપના મહારાષ્ટ્ર એકમની કોર કમિટી મળી હતી, જે બાદ દેવેન્દ્ર ફડણવીસ આજે દિલ્હી ગયા હતા. દિલ્હીમાં આ પહેલા તેમણે કેન્દ્રીય ગૃહમંત્રી અમિત શાહ સાથે મુલાકાત કરી હતી. સૂત્રોએ જણાવ્યું હતું કે બંને નેતાઓએ સરકારની રચના અંગે વાતચીત કરી હતી. સૂત્રોએ જણાવ્યું હતું કે આ બેઠકમાં મહારાષ્ટ્રમાં સરકાર બન્યા બાદ ભાજપના ક્વોટાના મંત્રીઓ પર પણ ચર્ચા કરવામાં આવી છે. આ બેઠકમાં વકીલ અને રાજ્યસભાના સાંસદ મહેશ જેઠમલાણી હાજર રહ્યા હતા, આ દરમિયાન નેતાઓમાં કાયદાકીય મુદ્દાઓ પર પણ ચર્ચા કરવામાં આવી છે. સરકારની રચનાને લગતા તમામ મુદ્દાઓ પર ગૃહમંત્રી અમિત શાહને કાયદાકીય રીતે તેમની સમક્ષ મૂકવામાં આવ્યા હતા.