રાજકારણ / પાંચ રાજ્યોમાં ચૂંટણી મુદ્દે PM મોદી, શાહ અને નડ્ડા સહિતના નેતાઓનું મોડી રાત સુધી મંથન : આજે થઈ શકે છે મોટી જાહેરાત

• BJP CECની મોડી રાત સુધી બેઠક 
• આજે જાહેર થઈ શકે છે ઉમેદવારોના નામ 
• કેરળમાં 115 બેઠકો પર ચૂંટણી લડશે ભાજપ 

ભારતીય જનતા પાર્ટીની CECની મોડી રાત સુધી બેઠક ચાલી હતી જે બાદ ચાર રાજ્યો અને એક કેન્દ્ર શાસિત પ્રદેશમાં ચૂંટણીને લઈને બીજી યાદીને લઈને ચર્ચા કરવામાં આવી હતી. આ બેઠકમાં પીએમ નરેન્દ્ર મોદી, પાર્ટીના રાષ્ટ્રીય અધ્યક્ષ જેપી નડ્ડા તથા ગૃહમંત્રી અમિત શાહ સહિતના મોટા નેતાઑ સામેલ થયા હતા. 

આ બેઠકમાં પશ્ચિમ બંગાળ વિધાનસભા માટે ત્રીજા અને ચોથા ચરણની 80 બેઠકો માટે ચર્ચા કરવામાં આવી હતી અને આજે તેના નામો એલાન કરવામાં આવી શકે છે. આ બેઠક બાદ ભાજપ નેતા રાજીબ બેનર્જીએ કહ્યું કે અમે મુખ્ય રૂપે ત્રીજા અને ચોથા ચર્ચાના ઉમેદવારોના નામોની ચર્ચા કરી હતી અને આશરે 80 બેઠકોના નામોને અંતિમ રૂપ આપી દેવામાં આવ્યું છે જેનું એલાન રવિવારે કરવામાં આવ્યું હતું. તેમણે વધુમાં કહ્યું કે હું ડોમજૂર બેઠક પરથી ચૂંટણી લડવા માંગુ છું અને મેં પાર્ટીને તેની જાણ કરી દીધી છે. 

નોંધનીય છે કે આ બેઠકમાં ભાજપ નેતાઑએ પશ્ચિમ બંગાળની સાથે અસમ અને કેરળના નામોની પણ ચર્ચા કરી હતી. બેઠળ બાદ કેરળના ભાજપ અધ્યક્ષે કહ્યું હતું કે રાજ્યમાં ભાજપ 115 બેઠકો પરથી ચૂંટણી લડશે જ્યારે બાકીની 25 બેઠકો સહયોગી દળને આપવામાં આવશે. 

નોંધનીય છે કે પશ્ચિમ બંગાળમાં આઠ ચરણોમાં ચૂંટણી થવાની છે અને બીજી મેના રોજ પરિણામ સામે આવશે. અસમમાં ત્રણ ચરણોમાં મતદાન કરવામાં આવશે. કેરળ, તમિલનાડુ અને પૂડુચેરીમાં એક જ ચરણમાં વોટિંગ કરવામાં આવશે.