કોંગ્રેસને ઘેરવા ભાજપનો નવો પ્લાન 25 જૂને મનાવશે 'બ્લેક-ડે'

ભારતીય જનતા પાર્ટીએ 25 જૂનના રોજ 'બ્લેક-ડે' મનાવવાનો નિર્ણય કર્યો છે. 2019ની લોકસભા ચૂંટણી જેમ-જેમ નજીક આવી રહી છે. તેમ ભાજપના ધબકારા વધતા જઈ રહ્યા છે. અને ક્યાંકને ક્યાંક કોંગ્રેસનો ડર સતાવી રહ્યો હોય તેમ લાગી રહ્યું.

જેથી ભાજપ હવે જૂના મુદ્દાઓ ઉખેડી કોંગ્રેસને ઘેરવાનો પ્લાન ઘડી રહ્યું છે. ભાજપે કોંગ્રેસ પર ગાળિયા કસવા નવો પ્લાન તૈયાર કરી લીધો છે. આ વખતે કોંગ્રેસને ઘેરવા ભાજપે કટોકટી કાળને મુદ્દો બનાવ્યો છે. ભાજપે 25 જૂનને બ્લેક-ડે તરીકે મનાવવાનો નિર્ણય કર્યો છે. 1975ના કટોકટીના મુદ્દાને ભાજપ હવે પોતાનું હથિયાર બનાવશે અને 25 જૂને દેશભરમાં વિરોધ કરશે.

આ સાથે જ 26 જૂને સમગ્ર દેશમાં એક જ સમયે પત્રકાર પરિષદ યોજી કોંગ્રેસનો વિરોધ કરશે. ભાજપે આ વિરોધ પ્રદર્શનની જવાબદારી પણ પોતાના મંત્રીઓને સોંપી દીધી છે. એટલું જ નહીં પરંતુ 26 જૂને ખુદ્દ ગુજરાતમાંથી ભાજપના રાષ્ટ્રીય અધ્યક્ષ અમિત શાહ પત્રકાર પરિષદ યોજશે.