ચૂંટણી / ભાજપે ચોથા તબક્કાના વધુ 2 ઉમેદવારોની યાદી કરી જાહેર, જાણો ક્યાંથી લડશે ગૌતમ ગંભીર

ભાજપે દિલ્હીથી વધુ બે ઉમેદવારોના નામ જાહેર કરી દીધા છે. પૂર્વ દિલ્હીથી ક્રિકેટર ગૌતમ ગંભીરને ટિકિટ આપવામાં આવી છે. જ્યારે નવી દિલ્હીથી મીનાક્ષી લેખીને ફરી એક વખત ઉમેદવાર બનાવવામાં આવ્યા છે. પૂર્વ દિલ્હીથી મહેશ શર્માની ટિકીટ કાપવામાં આવી છે. ત્યારે ઉદિત રાજની બેઠક પર અત્યાર સુધી નિર્ણય નથી લેવાયો. ઉદિત રાજ દિલ્હીની ઉત્તર પશ્વિમ બેઠક પરથી સાંસદ છે અને તે એક વખત ફરી આ બેઠક પરથી ભાજપની ટિકિટ ઇચ્છે છે, પરંતુ પાર્ટીએ અત્યાર સુધી તેના નામનું એલાન નથી કર્યું.
 

BJP releases list of 2 candidates for Delhi; Gautam Gambhir to contest from East Delhi & Meenakashi Lekhi from New Delhi parliamentary constituencies. pic.twitter.com/BjRIcHgt06

— ANI (@ANI) April 22, 2019

પૂર્વ દિલ્હી બેઠક પર ગૌતમ ગંભીરની જંગ કોંગ્રેસના અરવિંદર સિંહ લવલી અને આપના આતિશી મારલેના સાથે થશે. ત્યારે, નવી દિલ્હી બેઠક પર મીનાક્ષી લેખીની ટક્કર કોંગ્રેસના અજય માકન અને આપના બ્રજેશ ગોયલ સાથે થશે. 
માકન 2014 ચૂંટણીમાં પણ આ જ બેઠક પરથી લડ્યા હતા અને તેમને લેખીની સામે હારનો સામનો કરવો પડ્યો હતો. ભાજપે છ બેઠકો માટે જાહેર કરાયેલ ઉમેદવારોમાં પૂર્વ દિલ્હીને છોડીને તમામ બેઠકો પર હાલના સાંસદો પર જ ભરોસો મૂકીને ફરી ટિકિટ આપી છે.