ઈલેક્શન / પેટાચૂંટણી : યુપીમાં ભાજપે જાહેર કર્યા ઉમેદવારો, જાણીતા એક્ટરને આપી ટિકિટ, જાણો સંપૂર્ણ યાદી

• ભાજપે જાહેર કરી યાદી
• આઝમગઢથી દિનેશ લાલ યાદવને આપી ટિકિટ
• અન્ય સીટોના નામ પર જાહેર કર્યા

દેશના કેટલાય રાજ્યોમાં વિધાનસભા તથા લોકસભાની પેટાચૂંટણી થવાની છે. જેને લઈને ભારતીય જનતા પાર્ટીએ પોતાના ઉમેદવારોની યાદી જાહેર કરી દીધી છે. ઉત્તર પ્રદેશની રામપુર લોકસભા સીટ પરથી ભારતે ધનશ્યામ લોધીને ઉમેદવાર બનાવ્યા છે. જ્યારે આઝમગઢ લોકસભા સીટ પરથી દિનેશ લાલ યાદવ નિરહુઆને ઉમેદવાર બનાવ્યા છે. તો વળી ત્રિપુરાના ટાઉન બોરદોવલી વિધાનસભા સીટ પરથી પ્રો. ડો. મણિક શાહ, અગરતલાથી ડો. અશોક સિન્હા, સુરમાથી સ્વપ્ન દાલ પોલ, જૂબરાજનગરથી માલિના દેબનાથને ઉમેદવાર તરીકે ઉતાર્યા છે. તો વળી આંધ્ર પ્રદેશના આત્મકૂર વિધાનસભા સીટ પરથી ગુંદલપલ્લી ભરત કુમાર યાદવ, દિલ્હીની રાજિન્દર નગરથી રાજેશ ભાટિયા, ઝારખંડની મંદર વિધાનસભા સીટથી ગંગોત્રી કુઝુરને ઉમેદવાર બનાવ્યા છે. 

Bharatiya Janata Party (BJP) releases its list of candidates for Lok Sabha and Vidhan Sabha by-elections.

Ghanshyam Lodhi and Dinesh Lal Yadav to contest from Uttar Pradesh, CM Manik Saha from Tripura, Rajesh Bhatia from Delhi and Gangotri Kujur from Jharkhand. pic.twitter.com/kbmmbbv48N

— ANI (@ANI) June 4, 2022

આપને જણાવી દઈએ કે, સમાજવાદી પાર્ટીએ આઝમગઢ લોકસભા સીટ પરથી પેટાચૂંટણી માટે સુશીલ આનંદને ઉમેદવાર બનાવ્યા છે. સુશીલ આનંદ બામસેફના સંસ્થાપક સભ્યોમાં રહેલા બલિહારી બાબૂના દિકરા છે. સમાજવાદી પાર્ટીના રાષ્ટ્રીય અધ્યક્ષ અખિલેશ યાદવ આઝમગઢથી 2019થી સાંસજ તરીકે ચૂંટાઈ આવ્યા હતા. ત્યાર બાદ 2022માં યુપી વિધાનસભા ચૂંટણીમાં અખિલેશ યાદવ કરહલ વિધાનસભા સીટ પરથી ધારાસભ્ય તરીકે ચૂંટાઈ આવ્યા હતા. ત્યાર બાદ અખિલેશે લોકસભા સીટ પરથી રાજીનામું આપી દીધું હતું. તેને લઈને આઝમગઢ સીટ પર પેટાચૂંટણી થઈ રહી છે.